Tuesday , April 13 2021
Breaking News
You are here: Home / News / Reso ng kamara hinikayat para sa motorcycle taxis

Reso ng kamara hinikayat para sa motorcycle taxis

ni ROSE NOVENARIO

HINIMOK ng Palasyo ang Kongreso na magpasa ng resolusyon upang mabigyan ng prankisa ang motorcycle taxi na Angkas at Joyride.

Sinabi ni Presidential Spokesman Harry Roque na habang walang prankisa ang Angkas at Joyride, walang basehan para sila’y pahintulutang bumiyahe.

Ang pahayag ni Roque ay kasunod ng go signal ng Palasyo na luwagan ang pagbiyahe ng mga pampublikong sasakyan upang ibangon ang nalugmok na ekonomiya sa panahon ng pandemyang CoVid-19.

“Mayroon na pong pinal na desisyon, inendoso na po namin sa Kamara (de Representante) na kung pupuwede, bigyan. Magpasa uli sila ng resolusyon para magkaroon ng pilot study muli, dahil habang wala pong prankisa ang Angkas ay wala po talagang legal na basehan. Pero kung hindi pa po maipasa talaga iyong prankisa nila, kahit resolusyon po ay hiningi na po ng IATF nang makapagsimula po muling bumiyahe ang Angkas at Joyride,” ani Roque.

Imbes isang metro ang distansiya ng mga pasaheto sa mga pampublikong sasakyan, ginawa na lamang itong one-seat apart.

Ngunit kailangan magpalabas muna ng guidelines ang Land Transportation Franchising and Regulatory Board (LTFRB) para sa one-seat-apart policy at ilathala sa Official Gazette bago maipatupad.

Tinatayang may halos 50,000 Angkas at Joyride bikers ang nawalan ng trabaho mula nang pagbawalan silang bumiyahe ng pamahalaan nang ipatupad ang CoVid-19 qurantine protocols noong Marso 2020.

 

About Rose Novenario

Leave a Reply

Your email address will not be published. Required fields are marked *

*

Scroll To Top