Monday , October 26 2020
Breaking News
You are here: Home / Bulabugin / Cayetano, nagpasalamat kay Digong at supporters (Sa pagwawakas ng speakership)
Cayetano, nagpasalamat kay Digong at supporters (Sa pagwawakas ng speakership)

Cayetano, nagpasalamat kay Digong at supporters (Sa pagwawakas ng speakership)

NAGPASALAMAT si dating Speaker Alan Peter Cayetano kay Pangulong Rodrigo Duterte sa pagkakataon na makapgsilbi bilang Speaker of the House sa kanyang facebook live noong Martes.

Pinasalamatan din niya ang kanyang supporters lalo ang mga Kongresistang kasapi ng NUP o National Unity Party, NP o Nacionalista Party at mga natirang supporters sa Lakas NUCD, partylist groups at iba pang partido politikal.

Irrevocable resignation ang ginawa ni Cayetano bago magtungo sa Malacañang upang magpasalamat kay Pangulong Digong. At dahil ayaw na magkagulo at may masaktan pang kongresista, hinayaan din ni Cayetano na makapasok sa plenaryo ng kamara ang mga tropa ni Velasco matapos nilang gibain ang pintuan sa ikalawang palapag ng session hall gallery.

Humingi rin ng paumanhin si Cayetano kay Digong kung nagkamali siya ng pag-intindi na siya ang dapat humawak sa 2021 budget hanggang ito ay maipasa.

Sabi ni Cayetano, ang kamara ay isang institusyon na hindi dapat binabastos.

Maaari aniyang magpalitan ang mga lider ng kamara ngunit hindi dapat hayaang mabuwag ito bilang institusyon.

Hindi umano dapat isnabin, balewalain ng taong bayan ang 15 buwan na speakership ni Cayetano. Dahil sa kauna-unahang pagkakataon sa kasaysayan, naitala ng kamara at ng isang Speaker of the House ang pinakamataas na trust at approval rating dahil sa magandang performance nito.

Sabi nga ni Senador Ralph Recto, maikli lang ang pagiging speaker ni Cayetano pero ‘spectacular’ ang naging performance nito. Welcome na welcome din aniya ang dating speaker na bumalik sa ‘smaller but smarter house’ o senado dahil siguradong panalo siya at walang kahirap-hirap kung babalik ulit sa senado.

Tandaan din na hindi nagpahinga ang kamara sa pagtatrabaho kahit nitong kasagsagan ng pandemyang CiVid-19 para isabatas ang priority measures ni Digong tulad ng Bayanihan 1 at 2, ABS-CBN franchise, Salary Standardization Law at iba pang panukalang batas.

Nangako rin si Cayetano na magiging bahagi siya ng solusyon at hindi ng problema ng bansa at patuloy na susuporta para maaprobahan ang national budget na kinakailangan ng bansa lalo ngayong humaharap tayo sa pandemyang CoVid-19.

Gayonman pinaalalahanan nito si Velasco sa kanyang ‘word of honor’ at sa pagtatalaga ni Cayetano ng iba pang mga house leaders na kapartido ni Velasco noong siya pa ang namununo sa kamara.

Oy mukhang may susunod pang senaryo?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top