Thursday , March 28 2024

Duterte, ‘inutil’ sa kaso ni Baby River

INAMIN ng Palasyo na walang magagawa si Pangulong Rodrigo Duterte sa apela ng isang nanay na political detainee para makapiling sa huling pagkakataon ang tatlong-buwang sanggol na namatay nang pagbawalan ng hukuman na makasama ang anak na maysakit.

 

“Talagang nakalulungkot po iyang insidenteng iyan, pero wala pong magagawa ang Presidente,” ayon kay Presidential Spokesperson Harry Roque sa virtual press briefing.

 

Si Reina Mae Nasino ay nahaharap sa mga kasong illegal possession of firearms and explosives, at ipinanganak noong 1 Hulyo si Baby River, walong buwan matapos siyang madakip.

 

Namatay ang sanggol sa bacterial infection noong Biyernes, ilang oras matapos ibasura ng Manila Regional Trial Court ang urgent motion  na makasama ni Nasino si River.

 

“Iyan po ay nasa huridiksyon ng ating hukuman. The decision lies wholly with the Regional Trial Court, and the Regional Trial Court has ruled. We respect that decision, and the Executive will implement that decision,” dagdag ni Roque.

 

Nauna rito, nagsumikap ang National Union of People’s Lawyers na mapagsama ang mag-ina ngunit mas pinakinggan ni Manila RTC Judge Marivic Balisi-Umali ang posisyon ng jail authorities na limitado ang kanilang kakayahan na magbantay sa hospital.

 

Ito’y kahit kailangan mapasuso ng kanyang ina si River kada dalawang oras ayon sa doktor.

 

Umapela si Kabataan partylist Rep. Sarah Elago sa hukuman na makabisita sa burol ng kanyang anak si Nasino. (ROSE NOVENARIO)

About Rose Novenario

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *