Saturday , October 31 2020
Breaking News
You are here: Home / News / Lalabag sa Exclusive bicycle, motorcycle lanes sa Parañaque pagmumultahin
Lalabag sa Exclusive bicycle, motorcycle lanes sa Parañaque pagmumultahin

Lalabag sa Exclusive bicycle, motorcycle lanes sa Parañaque pagmumultahin

PAGMUMULTAHIN ng Parañaque city government ang lahat ng lalabag sa ordinansa na nagbabawal sa mga sasakyang gumamit ng exclusive bicycle and motorcycle lanes sa kahabaan ng Dr. A. Santos Avenue (Sucat Road) sa lungsod simula ngayong Lunes.

Sa direktiba ni Parañaque City Mayor Edwin Olivarez, inatasan nito ang traffic and parking management office na ipatupad ang City Ordinance 2020-23, na nagtatalaga sa outer lane ng A.1 Avenue hanggang sa Ninoy Aquino Avenue bilang bike at motorcycle lanes, at ang alituntunin sa parusang katapat nito. Sa ilalim ng ordinansa, ang inner lane ng 12-kilometer avenue ay para sa private vehicles. Ang center lane ay para sa delivery trucks, vans at iba pang mahahabang behikulo.

Ang outer lane ay para sa bisikleta at motorsiklo na may blue road markings at signages, na isinunod sa international standards.

Ayon sa alkalde, lahat ng mga behikulong legal na papa-rada sa bike at motorcycle lane ay pagmumultahin ng P1,000. Gayondin ang motorcycle riders na tatahak sa labas ng exclusive lane ay pagmumultahin ng P1,000 habang ang bike riders ay P500 sa bawat paglabag.

Padadalhan ng notices at tickets sa pamamagitan ng ‘no contact apprehension policy’‘ ang mga lumabag.

Binigyang – diin ng alkalde, ang pagbibisikleta ay hindi lamang nagtataguyod ng kalusugan at paglilibang ngunit magbibigay din ng isang alternatibong solusyon upang mapagaan ang posibleng kakulangan ng magagamit na mass transportasyon sa panahong ito ng pandemya.    

                (JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top