HATAW! D'yaryo ng Bayan hatawtabloid.com
Nilinaw naman ni Joed na dahil naipangako niya noong una kay Mico Pasamonte ang proyekto, hindi naman ito mawawala sa pelikula at isang matinding role rin ang ipagkakatiwala sa kanya ni Direk Joel.
Mahaba nga ang ikot ng istorya kung paanong hinanap ni Joed ang anak ng macho dancer. Four years ago pa nga lang ay nagpa-audition na siya rito.
“Siguro nga, tamang timing din. At ang timing ngayon eh, sa panahon ng pandemya pa. Naniniwala ako na we have a perfect “anak” kay Sean dahil nakita namin ang pagiging pursigido at open niya sa mga ipagagawa sa kanya sa papel niya. Isang plus na ‘yung mahusay siyang sumayaw kaya hindi na nahirapan ang nag-choreograph ng isinayaw niya. May grace, sabi nga ang movements. Maganda ang mukha. May kaalaman na sa akting.”
At dahil ibang klasengang magmahal at mag-alaga si Joed sa kanyang artists, na napatunayan na niya sa mga pagkakataong walang naniniwala sa kanya sa mga proyektong pinapasok at ginagawa, alam niya na he will never go wrong uli sa pagkakataong ito.
“Alam ko na as a producer, kailangang isipin ang return of investment, ‘di ba? Ang kita. Sa panahong ito, sa pangyayaring mayrooon tayo, marami pa rin tayong platforms na maibabahagi ang proyekto. Nangyari na dati noong magkaroon tayo ng Experimental Cinema of the Philippines na ipinalabas ang mga for adults na movies. Proyekto nina Madam Imelda (Marcos) ‘yun. Maraming paraan. And we are looking forward to show this sa different festivals abroad.”
Hindi pa nga nagsi-sink in kay Sean ang dumating na oportunidad sa kanya. Lalo pa at isang blessing ang ipinagkaloob sa kanya ni Joed.
Magiging endorser si Sean ng Blackwater Grooming for Men.
Double Happiness ang ganap for Sean sa presscon na idinaos na hinawakan ni Jobert Sucaldito.
Dalawang kontrata. At dalawang tseke!
Meant to be nga!
HARD TALK!
ni Pilar Mateo
