Saturday , October 31 2020
Breaking News
You are here: Home / News / Wanted sa Aklan timbog sa Bulacan

Wanted sa Aklan timbog sa Bulacan

ARESTADO ang isang ‘most wanted person’ dahil sa kasong rape, sa pagpapatuloy ng anti-crime drive ng pulisya sa lalawigan ng Bulacan hanggang noong Linggo, 4 Oktubre.

 

Ayon kay P/Col. Lawrence Cajipe, provincial director ng Bulacan PNP, kinilala ang nadakip na suspek na si John Lee Villegas, kabilang sa Top 10 Most Wanted Person sa lalawigan ng Aklan.

 

Hindi na nakapalag ang akusado nang arestohin sa Barangay Cacarong Bata, sa bayan ng Pandi, dakong 12:00 ng tanghali kamakalawa, sa bisa ng warrant of arrest sa kasong panggagahasa na inisyu ni Hon. Bienvenido Barrios, Jr., Presiding Judge ng Regional Trial Court (RTC) Branch 3 ng Kalibo, Aklan na may petsang 20 Nobyembre 2019.

 

Nabatid, matapos isagawa ang panggagahasa sa Aklan, nagpakatago-tago ang akusado hanggang makarating sa Pandi, kung saan natunton siya ng Bulacan police.

 

Ikinasa ang manhunt operation ng magkasanib na puwersa ng Bulacan 1st Provincial Mobile Force Company (21st PMFC) at Bulacan Criminal Investigation and Detection Group (CIDG) na ikinatimbog ng akusado na kasalukuyang nasa kustodiya ng mga awtoridad. (MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top