Saturday , October 31 2020
Breaking News
You are here: Home / News / Lider ng sindikato na pumatay sa retiradong pulis at kagawad nadakip
Lider ng sindikato na pumatay sa retiradong pulis at kagawad nadakip

Lider ng sindikato na pumatay sa retiradong pulis at kagawad nadakip

NAARESTO ng mga operatiba ng Quezon City Police District (QCPD) ang lider ng Serabia Criminal Gang na  responsable sa pagpatay sa isang retiradong pulis at isang kagawad ng lungsod, sa pinagtataguan nito sa loob ng pitong taon sa lalawigan ng Agusan Del Sur.

 

Kinilala ni QCPD Director P/BGen. Ronnie  Montejo ang nadakip na si Marlon Serabia, 44 anyos, residente sa Barangay Sta Cruz, Agusan Del Sur.

 

Ayon kay Fairview Police Station 5 commander P/Lt. Melchor Rosales, sa tulong ng Rosario (Agusan del Sur) Municipal Police Station, si Serabia ay dinakip dahil sa pagpaslang kina retired SPO1 Jerson Leonardo noong 2013 at kay Barangay Kagawad Jerzon Dazo, ng Barangay Greater Fairview noong 2017.

 

Dinakip si Serabia sa bisa ng warrant of arrest na inisyu nina QC Regional Trial Court (RTC) Hon. Judge Evangeline Crisologo Castillo-Marigomen, at QCRTC, Branch 101, Hon. Maria Luisa Lesle Gonzales-Betic.

 

Sinabi ni Montejo, ang naarestong pinuno ng Serabia Criminal Gang na nag-o-operate sa Quezon City ay sangkot sa gun for hire, illegal drugs at ilang kaso ng extortion. (ALMAR DANGUILAN)

 

About Almar Danguilan

Leave a Reply

Your email address will not be published. Required fields are marked *

*

Scroll To Top