Tuesday , March 19 2024

Kawit DEU chief, 5 pulis sinibak

SINIBAK sa puwesto ni Police Regional Office 4A Regional Director P/BGen. Vicente Danao, Jr., ang hepe at limang miyembro ng Kawit Municipal Station – Drug Enforcement Unit matapos mag-viral sa video ang sinabing ilegal na paghuli sa isang babae noong nakaraang linggo sa Barangay Tabon 2, Kawit, Cavite.

Base sa ulat na nakarating kay P/BGen. Danao, inaresto ng grupo ni Kawit Municipal Police Station Chief P/Major Gabriel Unay ang isang babae noong 25 Setyembre 2020, ngunit nakunan sa CCTV ng isang Apple Grace ang pag-aresto.

Nakunan ng CCTV ang pagpasok ng grupo ni Unay sa bahay ng isang Dana Jamon at sapilitang kinaladkad sa buhok sa harap ng kanyang mga anak.

“Such act is unacceptable,” ayon kay Danao at sinabing hindi niya kokonsintihin ang aksiyon ng kanyang pulis na isang paglabag sa police operational procedure.

Dahil dito, ipinag-utos ng opisyal na isailalim si Unay sa command responsibility at ang apat niyang tauhan sa preventive suspension para hindi makaimpluwensiya sa isinasagawang imbestigasyon sa nasabing insidente.

“HIndi ako papayag sa maling gawain ng mga miyembro ng pulisya. I have been very strict with my program on LITIS, or ‘Litisin Tiwalag at Iskalawag na Pulis,’” ayon kay Danao, kasunod nito, tiniyak ng opisyal ang patas na imbestigasyon sa kaso.

Bukod kay Unay, isinailalim din sa preventive suspension sina P/SSgt. J. Rapiz, P/SSgt. J. Pagaran, P/SSgt. Payuran, P/Cpl. Cambarihan, P/Cpl. Pedimonte.

Napag-alaman, kasalukuyang nasa restricted custody ni Cavite Provincial Police Office Director P/Col. Marlon Santos ang mga pulis, base sa utos ni Gen Danao.

(BRIAN BILASANO)

 

About Brian Bilasano

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *