Thursday , October 29 2020
Breaking News
You are here: Home / News / Preso nakatakas, pulis palit hoyo
Preso nakatakas, pulis palit hoyo

Preso nakatakas, pulis palit hoyo

KALABOSO ang isang pulis nang makatakas ang isang ‘inmate’ ng Manila Police District-Station 11 dahil kailangang dalhin sa Camp Bagong Diwa, Taguig City.

Isinailalim sa inquest proceedings sa Manila Prosecutor’s Office ang miyembro ng MPD-Station 11 na si P/SSgt. Warren Castillo, 44, sa paglabag sa Article 223 ng Revised Penal Code (Conniving with or Consenting to Evasion) sa reklamong inihain ni P/Lt. Conrado Punzalan, Jr.

Sa rekord ng MPD General Assignment and Investigation Section (GAIS), nitong 24 Setyembre dakong 4:32 am, kinuha ni Castillo sa jail facility ng estasyon ang person under police custody (PUPC)  na si Dexter Barrera, nakulong noong 13 Hunyo 2020 sa kasong Abduction in relation to RA 7610 (Child Abuse).

Sa oras na iyon patapos na ang duty ni P/Cpl. David bilang night shift jailer, habang si Castillo naman panghapon pa ang duty.

Ikinatuwiran ni Castillo na kailangan niyang dalhin at eskortan si Barrera papunta sa NCRPO at ibabalik din kinahapunan.

Nang tawagan si Castillo sinabi niyang nakatakas ang inmate.

Biyernes ng hapon nang arestohin si Castillo dahil sa kabiguan na maibalik ang preso.

Nabatid na may mahigit 200 preso ang Meisic Police Station.

Napag-alaman, nangako umano ang nakatakas na inmate ng halagang P300,000 sa pulis kapalit ng pagtakas.

Sa kasalukuyan, nakapiit sa MPD-GAIS si Castillo sa akusasyon na nakipagsabwatan para patakasin si Barrera dahil wala namang opisyal na order para dalhin si Gonzales sa Camp Bagong Diwa, Bicutan noong 24 Setyembre 2020.

(BRIAN BILASANO)

About Brian Bilasano

Leave a Reply

Your email address will not be published. Required fields are marked *

*

Scroll To Top