Friday , October 30 2020
Breaking News
You are here: Home / News / Duterte panatag kay Cayetano

Duterte panatag kay Cayetano

KONTENTO si Pangulong Rodrigo Duterte sa pagganap ni Speaker Alan Peter Cayetano sa kanyang mga tungkulin bilang pinuno ng Mababang Kapulungan, ayon kay Presidential Spokes­person Harry Roque.

Dagdag niya, tila hindi napapanahon ang pagpapalit ng liderato sa Kongreso lalo kung mapupunta lamang ito sa mga baguhan at walang sapat na karanasan at track record.

“Ang katotohanan po, and I speak for the President, wala pong frustrations si Presidente kay Speaker Cayetano. In fact, sinabi rin po niya na ‘Talagang close ako kay Alan,” wika ni Roque sa isang panayam sa Mindavote, isang online outlet.

Ayon kay Roque, masaya ang Pangulo dahil sa ilalim ng pamumuno ni Cayetano ay mabilis na naipasa ang pambansang budget para sa taon 2020.

Mabilis din aniya ang aksiyon ni Cayetano sa pagpasa sa mga batas tulad ng Bayanihan 1 at Bayanihan 2 na kinakailangan para labanan ang CoVid-19.

Maging ang mga revenue-generating at tax reform bills na prayoridad ng Pangulo ay mabilis na naaksiyonan ng Mababang Kapulungan, dagdag ni Roque.

“Kung ikaw ay Presidente at natikman mo na kung paano ang nangyari ‘yung isang taon na iba ang Speaker at hindi naipasa ang budget, at nagkaroon tayo ng reenacted budget na naging dahilan kung bakit humina ang paglaki ng ekonomiya, siyempre mabibigyan mo ng importansiya ‘yung nakaka-deliver sa pangangailangan ng administrasyon,” wika niya.

Matatandaang nag­karoon ng hindi ina­asahang pagkaantala sa pagpapatupad ng 2019 National Budget dahil sa mga realignment na ginawa ng Mababang Kapulungan matapos ratipikahan ng Bicameral Conference Committee.

Nang tanungin siya tungkol sa opinyon ng Palasyo kay Marinduque Rep. Lord Allan Velasco na nakatakdang pumalit kay Cayetano sa ilalim ng kanilang term-sharing agreement, sinabi ni Roque na maaaring magkaroon ng problema si Velasco dahil sa kakulangan nito ng karanasan at hindi sapat na track record, lalo na’t kinakailangan ito upang makagawa ng pag­kakasunduan sa mga miyembro ng Kongreso.

Ayon kay Roque, tila hindi rin gaanong kilala ng Pangulo si Velasco, lalo na noong nag-uumpisa pa lamang ang termino nito.

“Kung wala kang ganyang experience kung paano makabubuo ng consensus, e mahihirapan,” sabi niya.

About hataw tabloid

Leave a Reply

Your email address will not be published. Required fields are marked *

*

Scroll To Top