Thursday , March 28 2024

Gina Pareno, tinalo ang mga bagets sa pagti-Tiktok

KUNG ipinatitigil na ng Pangulo ng Amerika ang TikTok sa bansa nila, rito sa atin, patuloy sa pag-e-enjoy ang netizens sa walang humpay na mga ginagawa nila sa kanilang mga stream.

 

At hindi nakaligtas diyan ang tinawag na nga naming Reyna ng TikTok dahil sa kanyang edad, talaga namang palaban ang aktres na si Gina Pareño. Na binansagang Lola Gets dahil sa naging papel niya sa FPJs Ang Probinsyano.

 

“Ang pamangkin kong si Josh at ang anak kong si Racquel ang talagang nag-push sa akin para gawin ito. Wala nga akong kamuwang-muwang. Basta noong May, nasa pandemya na tayo, marami na gumagawa ng TikTok na ‘yan, eh ipinasubok sa akin na gawin ko.

 

“Subok naman ako. Sila nagdi-direk. Pati sa isusuot ko, inihanda na lahat. Aba, Mahal, akalain mo, naka-one million views kami. Hindi ako makapaniwala. Kaya, noong ma sumunod na ganado na ang Lola mo!”

 

May dahilan nga para mas enjoy-in na lang ni Mama Gina o Lola Gets ang TikTok. Dahil nang lumaganap na ang pandemya at kinailangan na nga ang paghihigpit sa mga paglabas-labas ng mga tahanan, talagang hindi na umaalis ng bahay nila ang aktres.

 

Kailan nga lang, may isang offer na dumating sa kanila ng anak niyang si Racquel para sa isang proyekto.

 

Alam naman natin na sa paggawa ng pelikula ngayon o pagsalang sa taping, may protocols ng sinusunod. Para sa kalusugan at pag-iingat ng lahat, muli kang maka-quarantine kapag ila-lockdown na kayo sa ibang lugar o location ng trabaho.

 

“Naka-ilang buwam na ba tayo, Mahal? Kalahating taon na tayong lumalaban. Na ang dasal natin eh, magkaroon na ng lunas o bakuna man lang. Sa pakiwari ko naman, maaaring matuklasan na ang bakuna para riyan. 

 

“Kaya sabi ko sa anak ko, huwag na muna naming tanggapin. Takot ako, Mahal. Mientras nag-iingat ako, baka naman sa paglabas kong ito pa ako tamaan. Kaya maghihintay na lang kapag pwedeng-pwede na talaga.

 

“Alam mo ba, Mahal, ang nakatutulong sa aming pamilya ngayon eh, ang pagkatuklas ni Racquel sa kaalaman niya sa pagluluto. Ayun nag-o-online selling na siya. Ang daming orders. Natigil sandali noong sumakit ang paa dahil sa gout. Nag-worry kasi, ilang orders ang ‘di magagawa.

 

“Sa pandemyang ito, naaalala ko lagi ang Tita Bong Eraña mo! Kasi, noon pa man sinasabihan na niya ako, bago siya nawala na dapat laging may naitatabi na emergency fund. Mabuti na lang may mga paupahan ako sa Tagaytay na nakatutulong din sa aming kailangang tustusan sa araw-araw. Kaya nakararaos pa naman, salamat sa Panginoon.”

 

Kahit nga ang ilang paanyaya sa kanya sa ibang bansa ay hindi niya matanguan. Dahil kabado siya na makipag-sapalaran.

 

Pero isa sa mga araw na ito, malamang na may magandang balitang umabot kay Mama Gina. Na may kinalaman sa pagiging Reyna niya ng TikTok!

 

At sa bawat araw na ginugugol lang niya sa apat na sulok ng kanyang silid, masaya na si Lola Gets na magpasaya ng milyon niyang taga-subaybay sa TikTok!

 

At aabangan talaga natin ‘yan!

HARD TALK!
ni Pilar Mateo

About Pilar Mateo

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *