Friday , October 23 2020
Breaking News
You are here: Home / Showbiz / Bisikleta ni Bailey May, ninakaw ng 3 kalalakihan
Bisikleta ni Bailey May, ninakaw ng 3 kalalakihan

Bisikleta ni Bailey May, ninakaw ng 3 kalalakihan

SA panahong ito na napakaraming bisikleta dahil sa kulang nga ang transportasyon, marami rin siguro kayong naririnig na mga bisikletang nananakaw. Pero huwag na kayong magtaka, hindi lang naman sa Pilipinas nangyayari ang ganyan.

Natatandaan pa ba ninyo iyong sumali noon sa PBB na si Bailey May? Nagbibisikleta siya noong isang araw bilang bahagi ng kanyang daily exercise. Ginagawa naman niya iyon araw-araw. At siguro dahil nga ganoon, may naka-spot sa bisikleta niyang mamahalin. Nagulat na lang siya nang harangin siya ng tatlong malalaking lalaki at inagaw ang kanyang bisikleta.

Natakot si Bailey May na baka saktan pa siya, kaya ang ginawa niya ay pinabayaan na ang umagaw ng kanyang bisikleta at tumakbo na. At least hindi siya nasaktan at hindi rin nanakaw ang kanyang mamahalin ding cell phone.

Ipinagbigay alam nila iyon sa pulisya, at alam ba ninyong hanggang ngayon ay walang resulta? Ni wala pa ring suspect sa pang-aagaw ng kanyang bisikleta. Hindi kami magtataka kung iyan ay nangyari sa Tondo o sa Divisoria, pero iyan ay nangyari sa Norwich, England na roon naninirahan ngayon si Bailey May.

Isipin ninyo, kahit na roon may magnanakaw pa rin ng bisikleta? Kung sa bagay, hindi mo naman masasabing small time dahil mamahalin talaga ang bike ni Bailey May, pero ang punto riyan ay dumadami na nga ang mga magnanakaw, lalo na sa panahong ito ng pandemya na marami ang walang trabaho, medyo nagugutom na at ang naiisip ay magnakaw.

Ang leksiyon diyan, mag-ingat na rin tayo. Hindi dapat dumaan doon sa mga lugar na delikado, o iyong lugar na kung may mangyayaring ganyan ay walang makakikitang ibang tao. Mas safe pa rin doon sa mga dinaraanan ng ibang tao para kung may gumawa ng kalokohan, may makakakita.

HATAWAN
ni Ed de Leon

About Ed de Leon

Leave a Reply

Your email address will not be published. Required fields are marked *

*

Scroll To Top