Thursday , October 29 2020
Breaking News
You are here: Home / Showbiz / Mama Bob ni Angeline, gising na
Mama Bob ni Angeline, gising na

Mama Bob ni Angeline, gising na

PAGKALIPAS ng tatlong araw na tulog ay gising na si Mama Bob ni Angeline Quinto matapos operahan sa ulo dahil may namuong dugo noong nakaraang linggo.

Ito lang ang update na nabanggit sa amin ng kaibigan ni Angeline kahapon na masaya ang mang-aawit dahil gising na ang mama Bob niya na ilang beses siyang humingi ng panalangin sa lahat na tulungan siyang magdasal.

Noong Setyembre 10 ay nag-post si Angeline ng, “Gusto kong kumatok sa mga puso niyo, Tulungan niyo po akong ipagdasal ang Mama Bob ko. Kailangan na kailangan po namin ng tulong niyo sa pagdadasal. Nakikiusap po ako. isama niyo po ang Mama Bob ko sa mga panalangin niyo.”

At sinundan pa ng, “Ito ang pinaka matinding pagsubok sa buhay ko.  Hindi mo ako kahit kailan binigyan ng pagsubok na hindi ko Kaya. Ama, buong-buo ang tiwala at pananalig ko sayo. ‘Wag mong pabayaan ang taong pinakamahal ko Ama.”

Patungong Tagaytay noong Huwebes, Setyembre 10 sina Angeline at Mama Bob para mamili ng makaramdam ng hilo hanggang sa nasuka ang adoptive lola ni Angge kaya’t kaagad itinakbo sa ospital at dito nakitang may namuong dugo na kailangan operahan.

At dahil gising na si Mama Bob, sigurado kaming road ro recovery na siya.

 

FACT SHEET
ni Reggee Bonoan

About Reggee Bonoan

Leave a Reply

Your email address will not be published. Required fields are marked *

*

Scroll To Top