Saturday , December 5 2020
Breaking News
You are here: Home / News / Wanted 50K contact tracers — DILG
Wanted 50K contact tracers — DILG

Wanted 50K contact tracers — DILG

SISIMULAN ngayong Martes  ng Department of the Interior and Local Government (DILG) ang recruitment, hiring, at pagsasanay ng hindi bababa sa 50,000 contact tracers sa buong bansa upang mapalakas ang programs kasunod ng paglagda ng Pangulo sa “Bayanihan to Recover as One Act” o Bayanihan 2 Law.

Ayon kay DILG Secretary Eduardo Año, ang karagdagang 50,000 contact tracers ay game-changer sa CoVid -response ng bansa dahil mapipigilan ang paglaganap ng sakit at mapupuksa ang virus kalaunan.

“Malugod naming tinatanggap ang paglagda ng Bayanihan Law 2 sapagkat nangangahulugan ito na maaari na nating simulan ang proseso ng recruitment ng mga karagdagang contact tracers na agarang kailangan ng iba’t ibang local government units (LGUs) sa buong bansa. Muli, pinasasalamatan namin ang Pangulo at Kongreso sa paglalaan ng kinakailangang pondo para sa CoVid response,” aniya.

“Naghahanap ang DILG ng mga dedikado at makabayang indibidwal na nais makilahok sa laban kontra COVID-19. Kung nais mong aktibong makibahagi sa pagpuksa sa pandemya, sumali sa DILG Contact Tracing Teams,” ani Año.

Dagdag ng kalihim, ang 50,000 contact tracer na kukunin ay itatalaga sa iba’t ibang Contact Tracing Teams (CTT) ng LGUs.

Ang contact tracers ay tatanggap ng minimum na sahod na P18,784 bawat buwan bilang contract of service personnel.

Kabilang sa mga responsibilidad ng contact tracers ang magsagawa ng mga panayam, profiling, at pagsasagawa ng initial public health risk assessment ng CoVid-19 cases at kanilang identified close contacts; iendoso ang mga close contacts sa mga isolation facilities; magsagawa ng enhanced contact tracing sa pakikipagtulungan ng iba pang mga ahensiya at pribadong sektor; magsagawa ng pang-araw-araw na pagsubaybay sa close and general contacts na hindi bababa sa 14 araw, at isagawa ang iba pang mga gawain na may kaugnayan sa CoVid response.

Sa kasalukuyan, ang Contact Tracing Teams ay mga pinagsamang yunit na pinamumunuan ng mga Municipal/City Health Officers na may mga kasapi mula sa Philippine National Police, Bureau of Fire Protection, Barangay Health Emergency Response Teams (BHERTS), at volunteers mula sa mga Civil Society Organizations (CSOs).  (ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top