Friday , September 25 2020
Breaking News
You are here: Home / News / P1.3-M shabu kompiskado sa Montalban
P1.3-M shabu kompiskado sa Montalban

P1.3-M shabu kompiskado sa Montalban

TINATAYANG nasa P1,360,000 halaga ng hinihinalang shabu ang nasamsam ng Philippine Drug Enforcement Agency (PDEA) sa dalawang pinaniniwalaang big time na tulak ng droga sa isinagawang buy bust operation kahapon, 14 Setyembre, sa bayan ng Rodriguez (Montalban), lalawigan ng Rizal.

 

Ikinasa ng PDEA Special Enforcement Service ang anti-illegal drugs buy bust operation dakong 3:10 pm nitong Lunes, laban sa dalawang suspek sa Kasiglahan Village, Barangay San Jose, ng nabanggit na bayan.

 

Nakompiska ng mga operatiba ang 200 gramo ng hinihinalang shabu na tinatayang nagkakahalaga ng P1.36 milyon sa dalawang big time drug pusher.

 

Para sa isinasagawang follow-up operation, upang masukol ang iba pa nilang kasamahan, hindi pa inilalabas ng PDEA-Rizal ang pangalan ng dalawang arestadong big time tulak.

 

Hawak ng PDEA Region-4A ang mga suspek habang isinasailalim sa interogasyon. (EDWIN MORENO)

About Ed Moreno

Leave a Reply

Your email address will not be published. Required fields are marked *

*

Scroll To Top