Saturday , October 31 2020
Breaking News
You are here: Home / News / Lalaki sinita ng parak dahil walang face mask kumasa sa resbak
Lalaki sinita ng parak dahil walang face mask kumasa sa resbak

Lalaki sinita ng parak dahil walang face mask kumasa sa resbak

RUMESBAK ang isang lalaki nang sitahin ng mga miyembro ng Manila Police District (MPD) na nagba- bike patrol nang maispatan na walang suot na facemask kahapon ng umaga sa McArthur Bridge, sa Ermita, Maynila.

Sa inisyal na ulat ng Lawton Police Community Precinct (PCP), isinugod sa Gat Andres Bonifacio Memorial Medical Center (GABMMC) ang sugatang suspek na kinilalang si Joel Limacob, nasa hustong gulang, residente sa Barangay 659, Ermita, Maynila.

Sa imbestigasyon ng MPD-PS5, dakong 10:20 am nang naganap ang insidente sa naturang lugar, ilang metro ang layo sa Lawton ferry habang nagpapatrolya ang District Mobile Force Battalion (DMFB) nang makita ang suspek na walang suot na damit pang-itaas, walang facemask, at face shield.

Kasunod nito, akmang lalapitan ng DMFB Bike Patrol Team sa pangunguna ni P/Cpl. Tobiagon pero bigla umanong bumunot ng baril ang suspek at itinutok sa mga pulis.

Dito umano napilitang paputukan ng pulisya ang suspek upang disarmahan.

Tinamaan ng bala sa katawan ang suspek na kasalukuyang nilalapatan ng lunas sa nabanggit na ospital. (BRIAN BILASANO)

About Brian Bilasano

Leave a Reply

Your email address will not be published. Required fields are marked *

*

Scroll To Top