Friday , November 27 2020
Breaking News
You are here: Home / News / Binata nag-selfie pa bago nagbigti
Binata nag-selfie pa bago nagbigti

Binata nag-selfie pa bago nagbigti

NAGAWA pang mag-selfie ng isang binata bago nagbigti sa Quezon City, nitong Sabado ng hapon.

Sa ulat ng Criminal Investigation and Detection Unit ng Quezon City Police District (CIDU-QCPD), dakong 5:00 pm, 13 Setyembre, nang  madiskubre ang pagbibigti ng biktimang si Levie Estrada, Jr., 32, binata,  construction worker, sa loob ng kanilang tahanan sa  Block 5, Lot 1, Philip North Point Subdivision, Barangay San Bartolome, Novaliches, sa lungsod.

Sa imbestigasyon ni P/Cpl. Rodney Bay-os, nagtungo ang saksing si Reynaldo Alamid sa tahanan ng biktima upang tanungin kung tapos na ang kaniyang  ipinagagawang cabinet.

Nakailang beses kumatok si Alamid  ngunit walang sumasagot kaya napagpasiyahan niyang pumasok sa loob.

Laking gulat niya nang makita ang naka­bigting katawan ng biktima sa hagdanan na may nakapulupot na telephone cord sa leeg.

Agad niyang ipinag­bigay alam ang insidente sa nakasasakop na barangay at isinugod ang biktima sa Novaliches District Hospital ngunit idineklarang dead on arrival ni Dr. Dennis Ching.

Sa pagsisiyasat ng pulisya, nadiskubre mula sa  cellphone na kinu­haan pa ng biktima ang gina­wang paghahanda  sa isasagawang pag­bibigti.

Nakita ang isang mensahe sa social media na  nagawa pang mag­paalam ni Estrada sa kaniyang nobya kalakip ang isang retrato o ‘selfie’ nito. (ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top