Friday , October 23 2020
Breaking News
You are here: Home / Showbiz / Angelika Santiago at Elijah Alejo, naging BFF dahil sa Prima Donnas
Angelika Santiago at Elijah Alejo, naging BFF dahil sa Prima Donnas

Angelika Santiago at Elijah Alejo, naging BFF dahil sa Prima Donnas

AMINADO ang magandang Kapuso teen actress na si Angelika Santiago na satisfied siya sa takbo ng kanyang showbiz career.

Ang 17 year old na dalagita na nasa pangangalaga ng Triple A Incorporated na pinamumunuan ni Rams David ay napapanood sa top rating GMA-7 TV series na Prima Donnas, bilang si Jewel.

“Happy naman po ako na nagkaroon po ako ng mga kasama na matatagal na sa showbiz and kahit baguhan pa lang po ako ay nakasasabay na po ako sa kanila,” pahayag ni Angelika.

Bata pa lang ba ay hilig na niya ang pag-aartista?

Tugon ni Angelika, “Well, masasabi ko po na mahilig po talaga ako sa arts. Before po ako nag-artista, mahilig po akong mag-video and mag-direk po ng mga film sa school namin.”

Nagsimula ang kanyang journey sa mundo ng showbiz nang nakita siya ni AiAi delas Alas, na kanilang family friend. ”Nag-start po ako noong time na nakita po ako ni Mommy AiAi delas Alas. Galing po sila sa meeting ni papa and tinanong po ako kung gusto ko raw pong mag-artista. Pumayag naman po ‘yung parents ko, ‘tsaka po ako, kasi gusto ko rin po talagang maranasan ang pagiging artista,” aniya.

Para mahasa pa ang angking talento, si Jelay (nickname ni Angelika) ay sumabak sa acting workshops. “Nag-start po ako kay Sir Ogie Diaz for one year din po and after po niyon ay nag-try din po ako sa kaibigan po ni mommy Ai Ai na direktor po. Then, nag-Star Magic po ako for two years din po.

“Tapos po, nag-break lang, then sumabak na naman po kay Mommy Anne Villegas and ito po, ‘yung last ko ngayon ay kay Mommy Gladys Reyes po. Hanggang now po nagwo-workshop pa rin po ako, pero naka-break nga lang po dahil may school. Pero pinag-iisipan po namin na mag-try po sa PETA Theater.”

Si Jelay ay nakalabas na sa TV shows na MaynilaUniforme, at sa pelikulang OFW, the Movie na tinampukan ni Ms. Sylvia Sanchez.

Kuwento ni Angelika, “Ngayon po nasa Prima Donnas ako and ako po si Jewel doon, ang kaibigan ni Brianna (Elijah Alejo). Si Jewel po ay kakaibang character, kasi may pagkabaliw po siya and super slow sa mga nangyayari. Gusto ko po ‘yung character niya, kontrabida po ako rito.”

Bukod sa break na naibigay sa kanya ng Prima Donnas, isa sa magandang dulot nito ay nang naging BFF niya si Elijah Alejo, na kasama niyang kontrabida sa naturang GMA-7 TV series.

Ipinahayag ni Angelika na isang tunay na kaibigan si Elijah.

Aniya, “Yes po, BFF ko po si Elijah, naging close po kami dahil sa Prima Donnas and ang masasabi ko po sa kanya, isa pong mabait at totoong kaibigan si Elijah.

“Sa kanya po ako lumalapit lagi kapag nahihirapan po ako minsan sa mga scenes and super matulungin po siyang tao.”

Sina Jillian Ward (Mayi), Sofia Pablo (Lenlen), at Althea Ablan (Ella) ang madalas nilang inaapi sa Prima Donnas.

Mahirap bang maging kontrabida?

Esplika ni Angelika, “Sa totoo lang po, mas okay po sa akin ‘yung kontrabida na role. Kasi, growing up po sa former school ko, ‘yun po talaga ‘yung role ko lagi sa mga films namin sa school.”

Wika pa niya, “Gusto ko pong maging mataray in camera po, kasi parang nag-a-add po siya ng tension kapag nagse-scene po ako, kasama ang mga kaibigan ko po. And nakatutulong po iyon para lalo naming magampanan nang maayos ang character po namin.”

Ano ang wish niyang mangyari sa kanyang showbiz career? ”Wish ko lang po is more projects to come and bigger roles po. Kahit naman po small roles, okay lang po sa akin basta po may projects,” sambit ni Angelika.

ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top