Friday , November 27 2020
Breaking News
You are here: Home / News / PERA ng public school teachers inihirit taasan ng kongresista
PERA ng public school teachers inihirit taasan ng kongresista

PERA ng public school teachers inihirit taasan ng kongresista

SA HIRAP ng ekonomiya, hinirit ni Ang Probinsyano party-list Rep. Alfred Delos Santos na taasan ng P8,000 ang pinansiyal na tulong para sa mga pampublikong guro sa ilalim ng Personnel Economic Relief Allowance (PERA).

 

Ani Delos Santos, ito ay tugon sa kakulangan sa monthly income at living wage sa sambahayang may limang miyembro.

 

Sa House Bill 6329, o ang panukalang Act Increasing the PERA of Public School Teachers, sinabi ni Delos Santos na ang layunin ng panukala ay upang iangat ang pamumuhay at ayusin ang lugar ng nga guro.

 

Paliwanag ni Delos Santos, hindi sapat ang ibinigay na umento para sa Salary Grade 11 o Teacher 1 na sumasahod ngayon ng P22,316 kada buwan sa unang tranche ng pagtaas sa Salary Standardization Law (SSL).

 

Giit ni Delos Santos, mas mababa pa ito sa “approximate living wage of P30,270 per family of five.”

 

“Hence, it is proposed in the bill that the PERA granted to public school teachers must be increased to at least P8,000, an amount which would, at least, substantially cover the discrepancy,” ani Delos Santos.

 

“It has become necessary to grant the much-deserved increase in the benefits given to our public school teachers,” dagdag niya.

 

Aniya, pinag-iwanan ang mga guro sa pagtaas ng take-home pay ng mga uniformed personnel.

 

Sa kasalukuyan, may 965,660 regular employees ang Department of Education, at 805,000 nito ay mga guro habang 43,000 ay gumagawa ng mga teaching-related jobs.

 

“Kung maiaangat natin ang natatanggap na sahod ng ating mga guro kasabay ng pagtaas ng suweldo ng ibang kawani ng gobyerno at pag-akyat ng mga presyo ng mga bilihin, malaking ayuda po ito sa mga teacher lalo sa panahon ng pandemya. Malaking insentibo rin ito bilang malasakit sa kanila dahil mas dumoble ang kanilang trabaho dahil sa blended education,” ani Delos Santos. (GERRY BALDO)

About Gerry Baldo

Leave a Reply

Your email address will not be published. Required fields are marked *

*

Scroll To Top