Saturday , October 31 2020
Breaking News
You are here: Home / Showbiz / Jennylyn ‘di pinalampas, netizen na nambastos sa mga single mom
Jennylyn ‘di pinalampas, netizen na nambastos sa mga single mom

Jennylyn ‘di pinalampas, netizen na nambastos sa mga single mom

TALAGA palang aktibo na ngayon si Jennylyn Mercado sa pagpapahayag ng paninindigan n’ya sa mga isyu at sa kung ano pa man. Kamakailan, ay may sinagot siyang tweet ng kung-sino na parang nambabastos ng mga single mom na gaya n’ya.

May anak sila ng di n’ya nakatuluyang boyfriend na si Patrick Garcia. Twelve years old na ngayon ang anak nilang lalaki si Alex Jazz.

Nagdadalantao na ang aktres nang maghiwalay sila noong February 2008. Sa poder ni Jennylyn lumaki ang bata, si Patrick naman ay ikinasal kay Nikka Martinez noong 2015, at mayroon silang tatlong anak na babae.

Dalaga pa rin si Jennylyn hanggang ngayon sa edad 33. Pero ilang taon na rin naman ang relasyon n’ya sa aktor na si Dennis Trillo na may love child din sa isang dating beauty queen na nakapangasawa ng isang foreigner.

Napakadisente ng pagtatanggol ang ginawa ng Kapuso actress. Hindi n’ya kinastigo ang kung sino man na nag-tweet na ‘yon. Ipinahayag lang n’ya na ‘di dapat ikasira ng self-confidence, disposisyon, at perspektibo ng mga single mother ang tweet na ‘yon ng isang mal-edukado at makitid ang isip.

Unang pahayag ng aktres sa Twitter n’ya: “To all the single moms out there, Never let comments like this get to you. Having a kid early doesn’t make you less of a woman. In fact it’s the opposite.

 

“Being a single parent made us stronger than ever. Mahirap maging nanay at tatay ng ating (mga) anak pero kinakaya natin.

 

“Kaya always hold your head up high. We are more powerful than they think we are.”

Paalaala naman ng aktres sa mga taong mababa ang tingin sa single mothers: “And for those people na minamaliit pa rin kami hanggang ngayon, I feel so sorry for you.

 

“Lahat ng mga kritisismo sa pagkatao namin nasabi na samin, and yet here we are. Raising our kid(s) the best we can.

 

“Whatever you say, You can and will never bring a strong woman down.”

Actually, may sumagot na netizen na kampi naman sa mga single mother. Aniya, bakit ang mga babae lang ang pinupuna at pinag-uusapan at hindi itinutuon ang pansin sa mga lalaking naging sanhi sa pagdadalantao at pagsisilang ng mga babae na nagpapasyang sila ang magpalaki at magtaguyod sa batang dinala nila sa kanilang sinapupunan?

Hindi na pinansin ni Jennylyn ang comment na ‘yon. Kung sasagutin n’ya ‘yon, maraming damdamin at perspektibo ng mga aktor ang masasagasaan n’ya, kabilang na  sina Patrick at Dennis mismo.

‘Di nga ba’t ang maraming showbiz actor ang binatang ama at parang ‘di lubusang na-involve sa pagtataguyod ng mga anak nila na nanatili sa poder ng kanilang mga ina?

Kasabihan nga sa Ingles, Jennylyn doesn’t want to stir the hornet’s net. Ayaw n’yang bulabugin ang bahay ng putakti na maraming kakagatin ‘pag naglabasan.

Happily, marami rin namang mga binatang ama sa showbiz na pinupuri ang ina ng mga anak nila na ‘di nila napakasalan. Pinupuri dahil napalaki ng mga ina ang mga anak nila nang maayos.

Samantala, isa si Chynna Ortaleza, kapwa Kapuso star ni Jennylyn, sa mga unang nag-react sa paninindigan ng kaibigan n’ya.

Ani Chynna patukoy sa komento ng netizen: “Whoa! So meant yan to break down strong willed single parents? Go Jen!

 

“Hindi madali maging single parent at lalong hindi madali na maging maayos sa mga tao na…may hurt or misunderstanding before. E ikaw.. kinaya mo lahat yan. So APIR!”

 

KITANG-KITA KO
ni Danny Vibas

About Danny Vibas

Leave a Reply

Your email address will not be published. Required fields are marked *

*

Scroll To Top