Thursday , March 28 2024

Healing Galing ni Dr. Calvario, tinigbak?

KAYA pala hindi na namin naririnig ang mga payong pangkalusugan ni Dr. Edinell Calvario sa kanyang programang Healing Galing, balitang tinigbak daw ito sa Radyo 5?

Sayang naman kung totoo nga ito dahil alam naming marami ang natutulungan ng programang ito ni Dr. Calvario bilang kami ay isa rin sa may simpatya at paniwala sa mga Naturopathy doctor na tulad ni Edinell.

Sa pagkawala ng Healing Galing, napuno ng reklamo ang comment section ng Facebook live streaming ng Radyo5 noong August 16 mula sa mga may edad na audience ng programang ito dahil sa pagkawala ng kanilang paboritong programa na umeere sa TV5 tuwing Linggo ng umaga, mula 7:00 a.m.-8:00 a.m..

Ayon sa mga reklamo, limang taon na nilang sinusundan ang public service program ni Dr. Calvario, isang naturopathic doctor dahil malaki ang naitutulong nito sa kanilang kalusugan.

Marami kasi sa kanila, lalo na sa mga nagkaka-edad na manonood na nawala ang kanilang mga problema sa katawan dahil sa mga itinuturo ni Dr. Calvario na ang mga panlunas sa kanilang nararamdaman ay puro galing sa mga halaman. Ang kanilang matagal na pagsubaybay sa programa ang makapagpapatunay na malaki ang naging pagbabago sa kanilang kalusugan.

Kaya nananawagan ang mga suki ng programang Healing Galing na huwag naman itong palitan ng isang programa na hindi naman nila kayang sundan. Hindi rin daw ito nababagay sa kanilang edad at kalagayan.

Anila, pinalitan umano ito ng Fit For Life ni Jessy Mendiola na isang show na pang-ehersisyo na nababagay sa mga kabataan.

Bagamat nakabubuti rin sa kalusugan ang show ni Jessy, hiling nila’y ilagay pa rin at mapanood pa rin ang Healing Galing.

Samantala, sinabi naman ng supervising producer ng programa na si Nestor Tan, na ang kasalukuyang kontrata nila sa TV5 ay hanggang December 31, 2020 pa.

Kaya nagtataka sila ng kanyang program manager na si Manny Martinez na biglang nawala ang kanilang programa gayung wala silang natatanggap na pahayag mula sa bagong pamunuan ng TV5 na mawawala ito o anumang pasabi kung ito ay ililipat sa ibang oras.

Idinagdag pa nina Tan at Martinez na may 11 episode na silang natapos at hindi na maipalalabas dahil sa nangyari.

Ipinagbigay alam din nima Tan at Martinez na sa loob ng limang taon nila sa TV5 ay ang Healing Galing lamang ang programang humakot ng maraming awards para sa nasabing himpilan bilang Best Public Service Program.

Hindi pa makapagbigay ng pahayag si Dr. Calvario dahil abala ito sa kanyang tungkulin bilang Presidente ng Women Inventors Association of the Philippines, Inc. (WIAPI) na masigasig ang kanilang grupo sa pakikipagtulungan sa mga local government units para sa holistic approach sa pagbibigay lunas sa Covid-19.

May mga clinical trials na silang ginawa sa mga nagpositibo sa naturang sakit na ang moderate case ay tumagal lamang ng pito hanggang 14 araw at ang severe case ay umabot lamang ng 14 hanggang 21 araw ang gamutan.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *