Monday , September 20 2021

8,000 Pinoys nakauwi na

TINATAYANG higit sa 8,000 Overseas Filipinos (OFs) ang panibagong bilang na natulungana ng pamahalaan para makabalik sa bansa.

Bago matapos ang buwan ng Agosto nakapagtala ang Department of Foreign Affairs (DFA) ng mahigit sa 153,000 repatriated OFs nang madagdagan ng 8,329 ngayong linggo.

Sa kabuuang 153,124 repatriates, 57,595 ay OFs (37.6%) pawang sea-based habang 95,529 (62.4%) ay land-based.

Ayon sa ahensiya, kahit limitado pa rin ang commercial flights mula sa iba’t ibang bansa dahil sa CoVid-19 pandemic, naisaayos pa rin ng kagawaran ang 39 special commercial repatriation flights mula sa Middle East, America, Europe, at Asia Pacific.

Naging tagumpay rin na matulungan ng DFA para makabalik sa bansa ang mga OF mula sa mga bansa na walang direktang biyahe sa Filipinas gaya ng Kenya, Peru, Israel, Russia,Turks & Caicos, Iraq, at Egypt.

Patuloy ang ginagawang pagtulong ng DFA para sa repatriation flights ngayong darating na Setyembre sa pamamagitan ng koordinasyon ng foreign service posts gayondin ang mga partner government agencies nito.

(JAJA GARCIA)

About Jaja Garcia

Check Also

tocilizumab

Problema sa Tocilizumab aksiyonan — Bongbong

NANANAWAGAN si dating Sen. Ferdinand “Bongbong” Marcos, Jr., sa pamahalaan na hulihin at magkaroon ng …

Leave a Reply

Your email address will not be published. Required fields are marked *