Friday , November 27 2020
Breaking News
You are here: Home / News / Pagsasanay sa pandemya dapat isama sa K-12 curriculum — solon
Pagsasanay sa pandemya dapat isama sa K-12 curriculum — solon

Pagsasanay sa pandemya dapat isama sa K-12 curriculum — solon

HINIMOK ni House Deputy Majority Leader at Bagong Henerasyon Rep. Bernadette Herrera ang Department of Education (DedEd) na isama sa curriculum ng K-12 ang pagtuturo patungkol sa pandemya.

Paliwanag ni Herrera, ang kasalukuyang krisis dulot ng CoVid-19 ay nagbibigay diin sa pangangailangang magkaroon ng pagsasanay ang mga estudyante mula Kindergarten hangang Grade 12 upang maging handa sa mga darating na krisis pangkalusugan.

“Pandemic preparedness must be taught as early as Kindergarten and up to Grade 12 if we want to create a culture of preparedness and infection control in homes and schools,” ani Herrera.

Aniya, dapat maging parte ng lesson plan ng mga guro ang mga kasanayan na nakatuon sa healthy lifestyles na maaaring ipasa sa kanilang mga pamilya.

“We need to make pandemic preparedness a lifestyle by introducing it to children at an early age,” giit ni Herrera.

“I’m sure children will relay whatever they have learned to their parents and everyone at home.”

“Preparing children for pandemics has to be incorporated in our system, so that any future crisis can be dealt in an easier way,” dagdag ng mambabatas.

Tinukoy ni Herrera ang sinabi ng World Health Organization (WHO) at UNICEF na ang mga bata ay kinakailangang magsanay sa mga gawain para maintindihan nila ang safety protocols sa panabon ng pandemya kagaya ng paghuhugas ng kamay, social distancing, ang pag-iwas sa pagkamay (shakehand) at beso-beso, at ang pagtakip ng bibig kung babahin.

“It’s very important that children are taught ways they can avoid getting and spreading COVID-19 and other diseases,”  ayon kay Herrera. (GERRY BALDO)

About Gerry Baldo

Leave a Reply

Your email address will not be published. Required fields are marked *

*

Scroll To Top