Monday , September 21 2020
Breaking News
You are here: Home / News / Duterte unang trial volunteer ng bakuna (‘From Russia with Love’)
Duterte unang trial volunteer ng bakuna (‘From Russia with Love’)

Duterte unang trial volunteer ng bakuna (‘From Russia with Love’)

INIALOK ni Pangulong Rodrigo Duterte ang sarili na maging unang vaccine trial volunteer kapag dumating sa bansa ang bakuna kontra coronavirus disease (COVID-19) mula sa Russia.

“Ako pagdating ng bakuna in public, para walang satsat diyan, in public magpa-injection ako. Ako ‘yung maunang ma-eksperimentohan. Okay para sa akin,” anang Pangulo sa public address kagabi sa Davao City.

Ipinagmalaki ng Pangulo na masaya siya sa alok na bakuna ni Russian President Vladimir Putin na libre at todo ang bilib niya na ang pag-aaral ng Russian para labanan ang COVID-19 ay makabubuti sa sangkatauhan.

“Kaya ako para ipakita ko sa kanila na nagtiwala ako at hindi sila nagkamali nag-offer, ako pagdating, ‘yung doktor nila o doktor natin, ako ang unang magpabakuna. Tingnan natin kung puwede ba. Kung puwede sa akin, puwede sa lahat,” sabi ng Pangulo.

“ Sabihin ko rin kay President Putin na tiwalang — malaki ang tiwala ko sa pag-aa — your studies in combating COVID and I believe that the vaccine that you have produced is really good for humanity,” dagdag niya.

Umaasa ang Pangulo na bago matapos ang taon ay matutupad ang hangarin niyang magkaroon ng bakuna laban sa COVID-19 upang makabalik na sa normal ang pamumuhay sa bansa. (ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top