Friday , September 25 2020
Breaking News
You are here: Home / Showbiz / Cong. Yul Servo, proud sa leadership ni Mayor Isko Moreno
Cong. Yul Servo, proud sa leadership ni Mayor Isko Moreno

Cong. Yul Servo, proud sa leadership ni Mayor Isko Moreno

SA gitna ng pandemic na dulot ng Covid19, patuloy pa rin ang masipag na public servant na si Congressman Yul Servo sa paglilingkod sa kanyang constituents sa 3rd District ng Maynila.

Sa panahong ito, mas nakatutok siya sa pagtulong sa kanyang mga nasasakupan.

Ano’ng mga proyekto ang ginagawa niya ngayon? Tugon ng award-winning actor, “Iba-iba po eh, mayroon po ako sa infrastructure, mayroon po ako sa transport, tapos mayroon din po katulad po ng mga presinto, ospital, LTO, mga barangay hall po…, marami po tayong project, itong mga iba ay on-going pa, hindi pa po tapos.”

Nabanggit din ni Yul na sa ngayon ay huminto muna sila sa pagbibigay ng ayuda sa kanyang mga kadistrito, dahil may isa siyang staff na nag-positive.

“Ngayon po nagpahinga muna po kami kasi tinamaan po yung isang staff namin. Ngayong araw ay ipina-test ko po sila. Nagpa-test po ako at lahat na po sila,” sambit pa niya.

Ano’ng reaction niya na si Mayor Isko Moreno ay naglaan na ng P200 million para kapag available na ang vaccine sa Covid19, may pondo na agad ang Maynila?

“Daig ng maagap ang masipag, kuya, hindi ba? Kaya kapag dumadating na yung pagkakataon (na may vaccine na) ay malaking tulong ‘yun na handa ang gobyerno. At ang masasabi ko kay Yorme naman, eh laging handa ngayon ang gobyerno sa Maynila. Ang leadership ni Yorme ay makikita mo talaga, kaya nakaka-proud bilang isang Manileno,” saad ni Yul.

Pahabol pa niya, “Kaya ang wish ko, sabi nga ng matatanda, hindi naman lagi iyang tag-ulan… kaya sana wish ko ay magkaroon na sana talaga ng vaccine na talagang one hundred percent na effective at walang side effect, na magpapatigil na rito sa Covid19.

“At sana pagkatapos ng pandemic, magka-isa na tayong mga Filipino at makabangon na tayo sa nangyaring malaking pagsubok na ito sa ating lahat.”
ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top