Tuesday , September 22 2020
Breaking News
You are here: Home / News / Ekonomiyang bagsak hindi lang PH – Palasyo
Ekonomiyang bagsak hindi lang PH – Palasyo

Ekonomiyang bagsak hindi lang PH – Palasyo

AMINADO ang Palasyo na nakababahala ang pagbulusok ng GDP noong 2nd quarter dahil ito’y ‘di hamak na mababa sa inaasahan ng economic managers ng gobyerno kahit ito ay resulta ng ipinatupad na enhanced community quarantine (ECQ) o modified enhanced community quarantine (MECQ).

“The Philippines, we underscore, is not the only nation facing this economic situation. COVID-19 has had an adverse economic impact on countries like Singapore, Indonesia, the United States, France, Spain, Mexico,” sabi ni Presidential Spokesman Harry Roque sa isang kalatas.

Batid aniya ng Palasyo ang kalbaryo’t pagdurusa ng mga mamamayan kaya’t nagpatupad ng emergency subsidy program na itinuturing na “largest single relief program” sa kasaysayan ng bansa.

Ngunit nananatili aniyang matatag ang determinasyon ng pamahalaan na ibangon ang ekonomiya sa pamamagitan ng “adaptive economic recovery program, PH-Progreso (Philippine Program for Recovery with Equity and Solidarity) upang labanan ang epekto ng pandemya sa negosyo at kabuhayan.

“We have likewise recalibrated our budget for next year and restarted our Build, Build, Build programs, subject to health and safety protocols, to create jobs,” ani Roque.

Base aniya sa Philippine Statistics Authority (PSA), ang pangunahing dahilan ng pagbagsak ng ekonomiya ay matinding epekto ng lockdown sa manufacturing, construction, and transportation, and storage.”

Muling nananawagan aniya ang Pangulo sa Kongreso na madaliin ang pagpasa sa Bayanihan II, o ang Bayanihan to Recover As One, na magsisilbing second-semester offensive laban sa COVID-19; at ang Corporate Recovery and Tax Incentives for Enterprises o CREATE Act upang matulungan ang mga negosyo na makabangon at makapagbigay ng trabaho sa mga mamamayan.

“We assure everyone that the government will continue working round the clock to strengthen our resilience and bring us back to the path of inclusive growth,” dagdag ni Roque. (ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top