Saturday , December 5 2020
Breaking News
You are here: Home / Showbiz / Appointment nina Guillen at Lizaso sa MMFF, karapat-dapat
Appointment nina Guillen at Lizaso sa MMFF, karapat-dapat

Appointment nina Guillen at Lizaso sa MMFF, karapat-dapat

KUNG may magsasabing mali ang ginawang paglalagay ni Chairman Danny Lim sa mga bagong member ng execom ng Metro Manila Film Festival, babatukan talaga namin.

Isa sa itinalaga ni Chairman Lim ang premyadong aktres at director na si Laurice Guillen. Bukod sa pagiging isang aktres at director, siya rin ang presidente at nagpapatakbo ng CineMalaya na siyang pinakamalaki at matagumpay na indie film festival. Si Laurice ay nagsimula rin sa lehitimong stage, sa PETA bilang isang aktres at director.

Ngayon, hindi nga siguro masyadong kilala ng iba si Nick Lizaso dahil low profile naman iyang mamang iyan. Si Nick ay isa ring actor at director sa pelikula at legitimate stage. Bukod doon, si Nick ngayon ang presidente ng Cultural Center of the Philippines, at chairman ng National Commission on Culture and Arts, o NCCA.

May idaragdag pa kaming trivia riyan. Noong nag-alala ang mga lider ng industriya na baka mawala ang MMFF dahil sa biglang pag-alis ng lahat ng opisyal ng noon ay Metro Manila Commission, at mapalitan iyon ng Metropolitan Manila Development Authority (MMDA), ang festival ay inilapit agad ng mga lider ng industriya sa noon ay OIC na si Joey Lina, bilang isa sa mga proyektong dapat na ipagpatuloy sa ilalim ng MMDA.

Ang mga nagsikap nang husto noon ay sina Manny Nuqui na presidente noon ng PMPPA, ang producer na si Simon Ongpin, at kasama nila si Nick. Madalas noon sila ang inaabot nang gumagawa ng mga plano tungkol sa festival, doon mismo sa opisina ni Nuqui sa Escolta. Iyong office na iyon ang naging tambayan namin noong MMFF 1986, dahil doon mo makukuha ang lahat ng opisyal na balita, pati na ang box office gross ng bawat pelikula. Sila rin ang nakaaalam kung sino ang nadaragdagan at nababawasan ng sinehan. Kaya iyang festival, alam din ni Nick ang hirap niyan.

Kaya ngayon sinasabi namin, puwede naming batukan kung sino man ang aangal sa appointment nina Laurice at Nick sa MMFF.

HATAWAN
ni Ed de Leon

About Ed de Leon

Leave a Reply

Your email address will not be published. Required fields are marked *

*

Scroll To Top