Monday , August 10 2020
Breaking News
You are here: Home / News / Nobya ni Jang Lucero dinukot ng armadong kalalakihan sa Laguna  
Nobya ni Jang Lucero dinukot ng armadong kalalakihan sa Laguna   

Nobya ni Jang Lucero dinukot ng armadong kalalakihan sa Laguna  

HINIHINALANG dinukot ang nobya ni Jang Lucero, ang babaeng driver na natagpuang patay dahil sa maraming saksak sa katawan, nitong Miyerkoles, 29 Hulyo sa Bay, Laguna.

Sa panayam sa telepono, sinabi ng hepe ng Laguna Police Public Information Office na si P/Lt. Col. Citadel Gaoiran puwersahang dinukot ng 10 lalaki si Meyah Amatorio at pamangkin na kinilalang si Adrian Ramos dakong 12:20 pm sa kanilang compound sa Barangay Calo.

Agad isinumbong ng mga kamag-anak ng mga biktima sa pulisya ang insidente.

Kasalukuyang iniimbestigahan ng pulisya kung may iba pang mga nakasaksi sa insidente at kung mayroong kuha ng CCTV na maaaring gamitin bilang ebidensiya.

Ani Gaoiran, sinisiyasat nila kung may kaugnayan ang insidente sa pamamaslang kay Lucero noong Hunyo.

Matatandaang natagpuang wala nang buhay at puno ng saksak sa katawan si Lucero sa loob ng kaniyang kotse sa lungsod ng Calamba, lalawigan ng Laguna, ilang oras matapos niyang isakay ang mga pasaherong nagrenta sa kaniyang kotse upang magpahatid sa Gil Puyat Avenue, sa Makati City.

About hataw tabloid

Leave a Reply

Your email address will not be published. Required fields are marked *

*

Scroll To Top