Friday , May 14 2021
Breaking News
You are here: Home / News / Chinese businessman binoga saka ninakawan
Chinese businessman binoga saka ninakawan

Chinese businessman binoga saka ninakawan

PATAY ang isang negosyanteng Chinese nang barilin, habang naglalakad sa kalsada, ng isang gunman kamakalawa ng hapon malapit sa panulukan ng C.M. Recto Avenue at T. Alonzo St., Sta. Cruz, Maynila.

Kinilala ang biktima na si Richman Neal Chua So, 48 anyos, may-ari ng Lamp & Lights Store sa nasabing lugar.

Ayon sa pulisya, batay sa CCTV footage, dakong 5:00 pm nang namataang naglalakad si So sa Alonzo St., bitbit ang isang bag, habang sinusundan ng isang matangkad na lalaki, naka-jacket, at nakasuot ng face mask.

Tuloy-tuloy na naglalakad si So nang bigla itong bumalik at tila may itinayong natumbang bagay.

Sa pagkakataong ito, nakadikit na sa biktima ang suspek at siya ay malapitang binaril.

Nang bumagsak, agad dinampot ng suspek ang dalang bag ng biktima saka sumakay sa get-away motorcycle na minamaneho ng kanyang kasama.

Sa social media post, sinabing ang biktima ay may-ari ng Lamp & Lights Store malapit sa Arranque.

Patuloy na iniimbestigahan ng pulisya ang insidente. (VV)

About hataw tabloid

Leave a Reply

Your email address will not be published. Required fields are marked *

*

Scroll To Top