Sunday , September 27 2020
Breaking News
You are here: Home / News / 4 Chinese fishermen, arestado sa Navotas
4 Chinese fishermen, arestado sa Navotas

4 Chinese fishermen, arestado sa Navotas

NASAKOTE ng Maritime Group ng Phillipine National Police (PNP) ang apat na mangingisdang Chinese nang mamataan silang bumababa sa isang sasakyang pandagat sa Navotas Fish Port Complex.

 

Kinilala ni Col. Ricardo Villanueva, hepe ng Regional Maritime Unit-National CapitalRegion Office (RMU-NCR) ang apat na naaresto na sina Huang Yongjie, 42 anyos; DaiShiwen, 56 anyos; Yafeng Zhou, 47[ at Tan Riyang, 47 anyos, pawang residente sa Guangdong, China.

 

Ayon kay Col. Villanueva, dakong 7:45 am, nagsasagawa ng foot patrol at police visibility ang team ni Maj. Rommel Sobrido, at Capt. Randy Ludovice, sa  Pier 2 sa loob ng complex nang makita nila ang apat na dayuhan na bumaba sa kanilang vessel at nang wala silang maipakitang kaukulang papeles ng kanilang pagkakakilanlan at pakay sa bansa, sila ay inaresto.

 

Sinabi ni Villanueva, dinodoble nila ang kanilang monitoring capability sa gitna ng COVID-19 pandemic upang masuri ang bawat indibidwal, Filipino man o dayuhan, na pumapasok sa ating karagatan.

 

Inisyuhan ng Task Force Disiplina ng ordinance violation receipt ang apat dahil sa kabiguang magpakita ng quarantine pass bago sila ipinasa sa the Philippine Coast Guard.

 

Nang suriin sa Bureau of Immigration (BI), nabatid na ang apat na Tsino ay halos isang taon na sa kanilang sasakyang pandagat habang hinihintay na ma-renew ang kanilang seafarer’s passport.

 

 

Bago ito, dinakip ng RMU-NCR ang tatlong Pinoy na mangingisda sakay ng  ‘FBCA Maurene Clarisse’ nang mabulagang nangingisda sa restricted area  at gumagamit ng ‘active gear’ na ipinagbabawal sa ilalim ng batas.

 

Ang mga dinakip ay kinilalang sina Leonito Estrada Jr., 33; Danilo Bacsal, 47; at Jun de Guzman, 29, pawang mga residente sa Navotas, na kinasuhan ng paglabag sa Philippine Fisheries Code of 1998. (ROMMEL SALES)

 

 

About Rommel Sales

Leave a Reply

Your email address will not be published. Required fields are marked *

*

Scroll To Top