Friday , August 14 2020
Breaking News
You are here: Home / Showbiz / Pagtatanghal ng Miss Universe 2020, naiiba (8 online series via Ring Light)
Pagtatanghal ng Miss Universe 2020, naiiba (8 online series via Ring Light)

Pagtatanghal ng Miss Universe 2020, naiiba (8 online series via Ring Light)

ISANG naiiba at makabagong Miss Universe Philippines ang mapapanood ng publiko, lalo na ng mga beauty pageant aficionados ngayong taong 2020!

 

Ito ay sa pamamagitan ng isang napapanahong online series, ang Ring Light.

 

Binubuo ng walong episodes, susundan ng serye ang 50 aspiring Miss Universe Philippines candidates at dadalhin ang mga manonood sa kanilang nakai-inspire na paglalakbay patungo sa korona at trono!

 

Nais ng Miss Universe Philippines na baguhin ang nakasanayan nating beauty pageant norms at bumuo ng isang bagong Miss Universe na magsusulong ng “empowered beauty with a purpose” sa pamamagitan ng higit pa sa preliminaries at sa coronation night, ang Ring Light ay ang pinakauna sa mundo dahil bibigyan nito ng pagkakataon ang mga pageant fan ng mas malapitang pagtingin sa kung ano ang tunay na aspeto upang maging isang beauty queen.

 

Mula sa mahigpit na pagsasanay hanggang sa mga kamangha-manghang pagsubok at katuwaan, mga eksena sa likod ng kamera, patutunayan ng Ring Light na mayroong pang higit na kagandahan na hindi basta-basta nakikita ng mga mata.

 

Dadalhin ng bawat episode ang manonood sa mga kaalaman, pagsubok, preliminaries, at siyempre, sa coronation night.

 

Ang mga Ring Light episodes ay ang mga sumusunod: episode 1: Lights On, episode 2: What Makes You Blush, episode 3: My Space, My Face, episode 4: Work the Runway, episode 5: Looking In, episode 6: Game Changer, episode 7: Stand Out and Awe at ang episode 8: Shine na kokoranahan na ang bagong Miss Universe Philippines 2020.

 

Bahagi ng bawat subscription sa Ring Light series ay mapupunta sa napiling beneficiary ng bawat kandidata at sa partner organizations. Bawat Miss Universe Philippines candidate ay may kaukulang referral code na diretsong makatutulong sa kanyang personal na piniling beneficiary. Maaaring puntahan ng mga fan ang Instagram page ng kanilang paboritong kandidata para malaman ang referral code nito at gamitin upang makabili ng kanilang subscription.

 

“We’re very excited to launch ‘Ring Light,’ the first-ever fundraising online pageant series that will allow fans to take the same journey to the crown while making a positive impact.

 

“With this online series, we hope to inspire our viewers to find their own light and empowerment and show that beauty is not only skin deep,” ang pahayag ni Miss Universe Philippines National Director at Miss Universe 2011 Third Runner-Up, Shamcey Supsup-Lee.  

 

Upang mapanood ang Ring Light, lahat ng walong episodes, (five learning episodes, a challenge episode, the preliminaries; swimsuit and gown competition, at ang grand finale), ay maaaring i-stream sa www.empire.ph for a one-time fee na Php 299.

 

Para sa mga excited pageant fans, maaari ring i-avail ang Ring Light’s early bird promo sa halagang P249 kapag nag-subscribe mula July 22 hanggang August 31, 2020.

 

Mapapanood ito simula September 27, 2020 sa www.empire.ph..

Ang Empire.ph ay pinamamahalaan ni Jonas Gaffud, ang tinaguriang beauty queen maker.

 

Para sa mga karagdagang impormasyon, mag-log on sa Miss Universe Philippines sa Facebook o bisitahin ang Empire.ph website at Instagram.

Rated R
ni Rommel Gonzales

About Rommel Gonzales

Leave a Reply

Your email address will not be published. Required fields are marked *

*

Scroll To Top