Thursday , March 28 2024

9 LSI sa Rizal Stadium nagpositibo sa rapid test  

NAGPOSITIBO ang siyam na locally stranded individual (LSI) na kabilang sa mga naghihintay sa Rizal Memorial Stadium ng sasakyan pauwi sa kanilang mga lalawigan makaraang sumailalim sa rapid test para sa coronavirus disease coronavirus disease (COVID-19).

 

Ang datos ay kinompirma ni Hatid Tulong program lead convenor Joseph Encabo at aniya inihiwalay na nila sa isolation ang mga nagpositibo.

 

Kasunod nito, isinalang rin sa confirmatory swab test ang mga nagpositibo upang makompirma ang pangangailangan kung dadalhin sila sa quarantine facility habang ang mga negatibo naman ay agad maipoproseso para bumiyahe pauwi sa kanilang mga probinsiya.

 

Base sa datos, nasa 3,800 LSI ang napauwi ng Hatid Tulong program nitong linggo.

 

Nabatid, may 1,200 LSI ang nakatakdang umuwi sa CARAGA region na sama-samang nakikisilong sa Rizal Memorial Stadium.

 

Nalaman kay Encabo, pansamantalang naantala ang biyahe ng mga LSI dahil nagkaroon ng cut-off ang mga local government unit kasabay ng pagdagsa ng mga walk-in LSIs na gustong makauwi sa kanilang lalawigan.

 

Kita rin sa ilang mga larawan sa social media na tila walang physical distancing sa naturang lugar.

 

Ipinaliwanag ni Encabo na naging mahirap ang pagsunod sa physical distancing sa loob ng stadium dahil sa pagbagsak ng ulan at kinakailangan silang maisilong lahat.

 

Idinagdag nito, naging maayos naman kalaunan at naipatupad na rin ang social/physical distancing sa loob ng stadium. (BRIAN BILASANO)

About Brian Bilasano

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *