Friday , March 29 2024
media press killing

Media sapol sa Anti-Terror Law

ni ROSE NOVENARIO

TALIWAS sa ipina­ngalandakan na hindi gagamitin sa malayang pamamahayag at akti­bismo ang Anti-Terror Law, unang naging ‘casualty’ ng kontrobersiyal na batas ang isang alternative media magazine.

Mariing kinondena ng National Union of Journalists of the Philippines (NUJP) ang pagkompiska ng mga tauhan ng Pandi Police sa libo-libong kopya ng alternative media magazine Pinoy Weekly mula sa tanggapan ng urban poor coalition Kalipunan ng Damayang Mahihirap sa Pandi kamakalawa ng umaga dahil nagtuturo umano ng paglaban sa pamahalaan.

“This incident is a very clear example of the dangers the Filipino people face from the Anti-Terrorism Act of 2020,” anang kalatas ng NUJP.

“The law’s vague provisions grants too much leeway for interpretation by agents of the state who mistakenly believe their mission is to stifle criticism and dissent, not protect these as part of the people’s basic rights,” dagdag ng NUJP.

Nanawagan ang NUJP sa pamunuan ng Philippine National Police (PNP) na imbestigahan agad ang malinaw na paglabag sa batas ng kanilang mga tauhan kasabay ng paghimok sa lahat ng mga pulis na repasohin ang batayang batas, lalo ang Bill of Rights ng Saligang Batas.

Sa nakalipas na apat na taon ng adminis­trasyon, ilang beses tinuligsa mismo ni Pangu­long Rodrigo Duterte ang media, tinawag na bayaran, hindi exempted sa assassination, binatikos ang Philippine Daily Inquirer, Rappler at ABS-CBN sa pagiging kritikal sa kanya.

Kamakailan ay naha­tulan sa kasong paglabag sa Cybercrime Prevention Act ang dalawang taga-Rappler habang ang hirit na franchise ng ABS-CBN ay ibinasura ng Kongreso na nagresulta sa pag­kawala ng trabaho ng may 11,000 obrero nito sa panahong nararanasan sa buong mundo ng hagupit ng COVID-19 pandemic.

(ROSE NOVENARIO)

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *