Wednesday , September 23 2020
Breaking News
You are here: Home / News / Grandstand drive-thru COVID-19 testing kasado na ngayon
Grandstand drive-thru COVID-19 testing kasado na ngayon

Grandstand drive-thru COVID-19 testing kasado na ngayon

KASADO na ngayong araw ang operasyon ng ikalawang bagong tayong libreng drive-thru COVID-19 testing center na matatagpuan sa Independence Road sa harap ng Quirino Grandstand, Ermita, Maynila.

Ang pagbubukas sa darating na lunes ay bunsod ng isinagawang dry run ng drive thru COVID-19 testing na pinangunahan ni Mayor Francisco “Isko Moreno” Domagoso, Sabado ng umaga, bilang pagtitiyak na magiging maayos ang full blast operation sa lunes.

Kasama ni Mayor Isko sa nasabing dry run sina Vice Mayor Honey Lacuna na mismong inasistehan ang medical frontliners sa pagkuha ng test sa mga matorista na inalalayan naman nina Manila Traffic and Parking Bureau chief Dennis Viaje, Manila Disaster Risk Reduction Management Office chief Arnel Angeles, Manila Health Department chief Dr. Arnold Pangan at acting city engineer Pepito Balmoris.

Sa nasabing dry run, isinagawa na rin ang ribbon-cutting ceremony, noong Sabado dakong 10:00 am upang sa darating na Lunes ay maaasahan na ng publiko ang serbisyo ng drive thru COVID testing na alay ng pamahalaang lungsod.

Nabatid sa alkalde, ang drive-thru COVID-19  testing ay libre hindi lamang para sa residente ng Maynila kundi maging sa mga nasa labas ng Maynila. Kailangan lamang magpakita ng government issued ID at pumirma ng forms para sa confidential test result.

Bukas din ito para sa mga kababayan natin, gaya ng pedicab, motorcycle, at iba pang three wheels na sasakyan.

Ang lokal na pamahalaan ay mayroon nang dalawang drive thru COVID-19 testing areas sa lungsod na kayang makapag-test ng hanggang 700 katao ang bagong drive-thru testing dahil maluwag ang lugar nito, habang ang unang drive-thru testing site na nasa harap ng Manila City hall ay kayang mag-test ng hanggang 200 motorista upang maiwasan ang pagsikip ng daloy ng mga sasakyan.

Ang dalawang drive-thru COVID-19 testing center ay bukas sa pagbibigay ng libreng serbisyo dakong 8:00 am hanggang 5:00 pm.

Ang blood samples ng mga motorista na sasailalim sa drive-thru testings ay iaanalisa ng    ‘Architect plus i1000 SR machines’ na gawa ng  Abbott Laboratories.

”Napagkaisahan namin na ito ay mabuting alternative sa mabagal na resulta ng PCR mahine. Nababagabag ang taongbayan, mataas ang anxiety level kaya time is of the essence. Itong machines na aming binili ay maayos at mabilis ang resulta,”  ayon kay Mayor Isko. (BRIAN BILASANO)

About Brian Bilasano

Leave a Reply

Your email address will not be published. Required fields are marked *

*

Scroll To Top