Thursday , August 6 2020
Breaking News
You are here: Home / News / QC Mayor Belmonte hindi nagsising positibo sa COVID 
QC Mayor Belmonte hindi nagsising positibo sa COVID 

QC Mayor Belmonte hindi nagsising positibo sa COVID 

INIHAYAG ni Quezon City Mayor Joy Belmonte, ang  pakikisalamuha sa kaniyang ‘constituents’ ang dahilan kung bakit siya naging COVID-positive subalit hindi umano niya ito pinagsisisihan.

 

Inamin ni Belmonte na siya ay positibo sa virus sa pamamagitan ng facebook page ng QC Government.

 

Ayon kay Belmonte sinunod niya lahat ng ‘protocols’ ng Department of Health (DOH) ngunit hindi pa rin siya nakaligtas sa naturang sakit.

 

Sinabi ng alkalde, sa kasalukuyan ay sinimulan ng QC Epidemiology and Surveillance Unit (QC-ESU) ang ‘contact tracing’ at pansamantalang isasara ang kaniyang tanggapan at ilang common areas para bigyang daan ang ‘disinfecting.’

 

“Dahil sa pagdalaw sa ating health centers at ospital, special concern lockdown areas at mga komunidad upang alamin ang kanilang mga pangangailangan, sa simula pa lang, batid na naming posibleng mangyari ito. Pero hindi ko po ito pinagsisisihan.

 

“Inihanda ko na po ang aking sarili at buong puso ko po itong tinatanggap,”paskil ni Belmonte sa FB page.

 

Aniya, nangyari pa rin ito sa kanya sa kabila ng ibayong pag-iingat, tulad ng pagsusuot ng face mask, madalas na paghuhugas ng kamay at social distancing.

 

Giit ng alkalde, magsilbi sanang paalala sa publiko ang nangyari sa kanya na ang COVID-19 ay tunay na isang kakaibang sakit na dapat pag-ingatan nang lubusan.

 

Tiniyak ni Belmonte, patuloy ang serbisyo at gawain ng lokal na pamahalaan sa kabila na siya ay sasailalim sa quarantine.

 

“Bagama’t limitado ang aking pagkilos, mananatili po akong nakatutok sa kalagayan at pangangailangan ng buong Quezon City,” dagdag ng alkalde. (ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top