Sunday , July 5 2020
Breaking News
You are here: Home / News / Chinese arestado sa pananaksak ng kababayan
Chinese arestado sa pananaksak ng kababayan

Chinese arestado sa pananaksak ng kababayan

NAHAHARAP sa reklamong attempted homicide ang isang Chinese national nang saksakin ang human resources manager na kaniyang kababayan, sa Barangay Alabang, Muntinlupa City, kamakalawa ng gabi.

Kinilala ang suspek na si Liangqi Zou, 28, tubong Liaoning, China, ng Lot 5 Block 2 Crisos­tomo Ibarra Street, Rizal Village, Barangay Ala­bang, Muntinlupa City.

Ginagamot sa Asian Hospital ang biktimang si Yihao Bu, 26, tubong Yunnan, China HR manager ng Intercomp Company kasama sa nabanggit na address ng suspek.

Ayon sa ulat ng Muntinlupa City Police Station, dakong 9:00 pm nang maganap ang pananaksak sa loob ng bahay ng biktima at suspek.

Habang nasa loob ng kaniyang kuwarto ang biktima pinuntahan para kausapin ng suspek pero hindi umano pinansin ang huli kaya nagalit at nauwi sa pagtatalo.

Naglabas ng patalim ang suspek at inundayan ang biktima sa dibdib na agad sinangga sa kali­wang kamay na tinamaan ng saksak.

Napigilan ng iba pang kasamahan ang pangyayari hanggang isugod sa ospital ang biktima.

Kasama ang suspek sa nagdala sa pagamutan sa biktima pero itinawag sa pulisya ng testigong si Ma. Fe de Ocampo, 40, Chinese translator, ng nasabing bahay, ang pangyayari dahilan sa pag-aresto sa suspek.

Narekober din ang jungle knife na ginamit ng suspek na ginamit sa pananasak sa biktima.

(JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top