Sunday , July 5 2020
Breaking News
You are here: Home / News / 8 adik nag-pot session sa footbridge timbog (Sa Mandaluyong)
8 adik nag-pot session sa footbridge timbog (Sa Mandaluyong)

8 adik nag-pot session sa footbridge timbog (Sa Mandaluyong)

KALABOSO ang walong katao nang mahuli sa aktong sumisinghot ng shabu sa isang footbridge sa Shaw Boulevard, Barangay Highway Hills, sa lungsod ng Manda­luyong noong Huwebes ng gabi, 25 Hunyo.

Kinilala ang mga suspek na sina Allan Garcia, 39 anyos; Rowell Santos, 33 anyos; John Carlo Ocampo, 34; Ryan Mendoza, 30 anyos; Lester Caalim, 28; Andrew Aday; Jose Panganiban, 21 anyos; at Micky Ramos, 19 anyos, pawang nasa watchlist ng pulisya.

Ayon sa ulat ng Mandaluyong PNP, dakong 10:00 pm noong Huwebes nang maak­tohan ng mga operatiba ang mga suspek na abala sa palitan sa nabanggit na lugar.

Narekober mula sa mga suspek ang apat na transparent plastic sachet ng droga, P5,440 cash, at shabu paraphernalia gaya ng tooter na may residue na mukhang kagagamit pa lang sa pot session.

Nauna rito, nakatang­gap ang mga awtoridad ng isang tawag mula isang concerned citizen kaugnay sa lan­tarang pot session ng walong suspek.

Nakapiit na ang walo sa detention cell ng Mandaluyong PNP at sinampahan ng kasong paglabag sa RA 9165 o Comprehensive Dangerous Drug Act of 2002.

(EDWIN MORENO)

 

About Ed Moreno

Leave a Reply

Your email address will not be published. Required fields are marked *

*

Scroll To Top