Sunday , August 9 2020
Breaking News
You are here: Home / News / 18-anyos notoryus na kawatan swak sa kulungan
18-anyos notoryus na kawatan swak sa kulungan

18-anyos notoryus na kawatan swak sa kulungan

SA KULUNGAN bumagsak ang 18-anyos lalaki matapos magnakaw ng cellphone, telebisyon, digital TV box at tricycle sa Caloocan City.

 

Kinilala ang suspek na si Joniel Tomas, may kinakasama, istambay, residente sa Binata St., Barangay 144, ng nasabing lungsod.

 

Ayon sa ulat ng pulisya, dakong 2:20 am, nang  madiskubre ng biktimang si Gerald Minay, 33 anyos, residente sa Loreto St., Morning Breeze, Barangay 83 na nawawala ang kanyang 32 inches TV, digital TV box, cellularphone at charger bukod pa sa wasak ang backdoor ng kanilang bahay.

 

Kaagad dumulog sa tanggapan ng Barangay 83 ang biktima at nang rebisahin ang closed circuit television (CCTV) footage ay nakita ang suspek na tangay ang mga nawawalang gamit na ikinarga sa Mitsukoshi Daan Hari tricycle na may body number 38 na kinalaunan ay natuklasang ninakaw kay LeopoldoPrima, 67 anyos, tricycle driver, ng General Mascardo St., Barangay 143 ng nasabing lungsod.

Ayon sa isang tanod na sadyang itinago ang pangalan, naispatan niya si Tomas na may dalang telebisyon na isinakay sa isang tricycle at nang puntahan ng mga pulis ang bahay ng suspek kinahapunan ay tinangka nitong tumakas ngunit nadakma rin ng mga parak.

 

Nabawi lahat ng mga kinulimbat ng suspek. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top