Friday , August 14 2020
Breaking News
You are here: Home / News / Mukha ng rider pisak sa truck   
Mukha ng rider pisak sa truck    

Mukha ng rider pisak sa truck   

PATAY agad ang isang rider nang tumilapon at una ang mukhang bumagsak sa gilid ng kalsada, makaraang mahagip ng isang truck sa southbound lane ng A.H. Lacson Avenue malapit sa panulukan ng G. Tuazon St., Sampaloc, Maynila, kamakalawa ng gabi.

Ayon sa ulat ni Manila District Traffic Enforcement Unit (MDTEU) chief. P/Maj. Ronaldo Santiago, namatay noon din ang biktimang kinilalang si McNico Padua, 32 anyos, residente sa 1901-K Interior, 71 Zamora St., Pandacan.

Sa imbestigasyon ng Vehicle Traffic Investigation Section ng Manila District Traffic and Enforcement Unit (MDTEU), dakong 10:50 pm nang maganap ang insidente sa nasabing lugar.

Lulan ng motorsiklo ang biktima habang binabagtas  ang A.H. Lacson Avenue malapit sa kanto ng G. Tuazon St., nang mabilis na lumipat ng linya kaya nabangga ng nakasabay na truck.

Hindi hinintuan ng truck driver ang biktimang humandusay sa gitna ng gutter sa naturang lansangan.

Patay na nang dumating ang MMDA ambulance sa pinangyarihan ng insidente at sinabi ni Team Leader Melissa Santos na wala nang buhay ang biktima kaya dinala sa HPT Funeral morgue para sa awtopsiya.

Patuloy na inaalam ang pagkakilanlan ng driver ng truck. (BRIAN BILASANO)

About Brian Bilasano

Leave a Reply

Your email address will not be published. Required fields are marked *

*

Scroll To Top