Thursday , March 28 2024

Rosanna, magti-titser sa isang baguhang hubadera

ANG saya-saya ni Rosanna Roces ngayong inilagay na sa General Community Quarantine ang NCR dahil magsisimula na siyang mag-shooting ng pelikula kasama sina Katya Santos, Maui Taylor, at Alma Moreno na ididirehe ni Darryl Yap (direktor ng Jowable) at ipinrodyus ng Viva Films.

 

Ayon kay Osang, “ang saya-saya ko, balik trabaho na ulit. Excited ako sa movie na gagawin namin nina Alma, Maui, at Katya. Comedy daw, si Darryl Yap direktor, hindi ko pa kilala, pero bata ‘yan ‘no?”

 

Tawang-tawa ang aktres habang ikinukuwento ang bago nilang pelikula dahil may kasama silang bagong sexy star na sila ang magtuturo.

 

“Oo kami ang magtuturo sa bagong hubadera,” pag-amin ng aktres.

 

Hirit namin, mga dating sexy star ang magkakasama. “Oo nakakatawa ang title, ‘The Next Philippine Pornstar’ enjoyin ko ‘yan. Diyosko blessing ‘yan.

 

“Fourteen days daw kami sa Subic, ‘yan ang gusto ng management,” sabi ni Osang.

 

Mala-Ligaya Ang Itawag Mo Sa Akin ba ang peg? “Hindi, seryoso ‘yung ‘Ligaya,’ ito naman comedy, hindi ko pa nababasa ang script.”

 

Aabutin sila ng 10 shooting days sa Subic pero mag-stay sila ng 14 days para siguro makapagpahinga at maglibot-libot na rin.

 

Biro pa namin na malamang sina Osang at Alma ang nasa comedy part dahil mahusay sila sa timing.

“Oo, hahataw kaming dalawa riyan,” susog ng aktres.

 

Samantala, bukod sa Viva project, hinihintay na lang din ni Rosanna kung kailan siya ipatatawag ni direk Adolf Alix Jr. para sa isang indie film at magkakaroon din ng Panti Sisters 2.

“Mayroon pang isang malaking project, hindi ko pa puwedeng sabihin pero ako ang bida,” sabi pa.

 

As of now ay ini-enjoy ni Osang ang apong si Maha na kasama nila sa bahay ng partner niyang si Blessy.

 

“Pero ngayong may trabaho na ulit ako, ibabalik ko muna siya sa nanay niya (Grace),” saad pa.

 

FACT SHEET
ni Reggee Bonoan

 

 

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *