Tuesday , July 7 2020
Breaking News
You are here: Home / Showbiz / Paghamon ni SolGen Jose Calida kay Coco Martin gawain ba ng matinong opisyal ng gobyerno? (Marcoleta hari-harian sa hearing ng Kamara)
Paghamon ni SolGen Jose Calida kay Coco Martin gawain ba ng matinong opisyal ng gobyerno? (Marcoleta hari-harian sa hearing ng Kamara)

Paghamon ni SolGen Jose Calida kay Coco Martin gawain ba ng matinong opisyal ng gobyerno? (Marcoleta hari-harian sa hearing ng Kamara)

SA PANANALITA ni Solicitor General Jose Calida sa hearing noong Lunes sa Kamara para sa prankisa ng ABS-CBN ay halatang gigil at iritado siya sa naging pahayag ni Coco Martin nang ipaglaban nito ang

11,000 employees ng ABS-CBN dahil umano sa pambabraso ng opisina ng una sa NTC ay naipasara ang network noong May 5, 2020.

 

So itong si Calida ba ang dapat pang magalit samantalang siya ang may kagagawan kung bakit na-shutdown ang Kapamilya network dahil sa isinampang kaso na pawang baseless dahil nasagot at nabigyang linaw na ito ng ABS-CBN.

 

At may dialogue pa siya sa recent hearing sa Kamara na patungkol kay Coco na: “If I had not been SolGen. I will make you eat your words.” Sagot niya kuno kay Coco sa sinabi ng Kapamilya actor na: “Kapag pamilya ko ang kinanti, kahit sino ka pa, lalaban ako nang patayan sa iyo kahit patayin mo pa ako.”

 

For us, para sa isang opisyal na tulad ni Calida ay matino bang hamunin niya si Coco, na ipakakain niya sa

actor ang mga sinabi nito. Well, hindi siya papatulan ni Cardo Dalisay lalo’t matanda na, at alam naman niyang wala siyang ibubuga pagdating sa bakbakan.

 

Ipinaglalaban lang ni Coco o ni Cardo ang kanilang estasyon at silang mga trabahante na obyus namang paulit-ulit na inaapi’t inaalipusta ng makukulit at mga sirang plaka na tulad ni Calida at Rodante Marcoleta na hari-harian sa hearing sa Kamara. Naturingang leader ng Sagip Party-list pero walang konsensiya at puso sa mawawalan ng trabaho sa ABS-CBN.

 

Well kung may contravida, tulad nila ay may tagapagtanggol naman ang ABS-CBN sa kongreso na parehong ipinaglalaban ang #NoToABS-CBNShutdown. At ito’y kinabibilangan nina Representatives Vilma Santos, Loren Legarda, Sol Aragones, Joy Myra Tambunting at iba pa. Bale nasa 16 ang bilang ng kongresista na kampi sa Kapamilya network.

VONGGANG CHIKA!
ni Peter Ledesma

About Peter Ledesma

Leave a Reply

Your email address will not be published. Required fields are marked *

*

Scroll To Top