Tuesday , July 7 2020
Breaking News
You are here: Home / Showbiz / Kelvin Miranda, nami-miss na ang muling pagsabak sa pag-arte
Kelvin Miranda, nami-miss na ang muling pagsabak sa pag-arte

Kelvin Miranda, nami-miss na ang muling pagsabak sa pag-arte

AMINADO ang guwapitong actor na si Kelvin Miranda na hinahanap ng katawan niya ang dating ginagawa, tulad ng pagsabak sa taping o shooting.

 

Kumusta na siya after almost three months na naka-quarantine? “Okay naman po, marami naman po puwedeng gawin sa loob ng bahay para maging productive tayo…like magluto, maglinis, magbasa, manood ng movies para may bagong matutunan, bonding sa fam, pero siyempre naghahatid sa akin sa pagka-boring minsan ay ‘yung gumising nang maaga, maghanda ng gagamitin ko para sa taping o shooting, bumiyahe… in short ‘yung work ko po.

 

“Nami-miss ko na talaga, sobra! Hindi kasi siya work para sa akin, kundi itinuturing ko siya as a craft, mga piyesa ng art na ginagawa ko, mahalaga ito sa akin at parang karugtong na rin siya ng buhay ko. Kasi, rito kami nabubuhay ng pamilya ko,” pahayag ni Kelvin.

 

Pinuri ang husay ni Kelvin sa pelikulang Dead Kids ni Direk Mikhail Red na naging first-ever Filipino film na ipinalabas sa Netflix. Kamakailan ay nanalo rin ng first Best Actor award si Kelvin sa Urduja Film Festival para sa pelikulang The Fate.

 

Ano ang reaction niya na marami nang Pinoy films ang naipapalabas sa Netflix? “Masaya, dahil nagbibigay aliw ito sa mga kababayan natin na sa iba’t ibang parte ng Asia, napapanood nila ang mga pelikulang obra ng mga Filipinong manggagawa ng pelikula at mga director,” saad ni Kelvin.

 

May naiisip ba siyang Pinoy films na sa palagay niya dapat maipalabas din sa Netflix? “Siguro ‘yung mga Philippine traditions o culture, para maipamulat sa mga taong nakalilimot kung saan talaga nagsimula ang kulturang Pinoy.”

 

Si Kelvin ay mapapanood very soon sa prime time soap operang First Yaya bilang partner ni Cassy Legaspi. Ang serye ay pagbibidahan ng Kapuso Primetime Queen na si Marian Rivera, with Gabby Concepcion at iba pa.

ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top