Tuesday , July 7 2020
Breaking News
You are here: Home / News / DOTr Secretary, iba pang opisyal, hinamon sumabay sa obrerong ‘commuters’
DOTr Secretary, iba pang opisyal, hinamon sumabay sa obrerong ‘commuters’

DOTr Secretary, iba pang opisyal, hinamon sumabay sa obrerong ‘commuters’

HINAMON ni Senadora Nancy Binay ang mga opisyal ng pamahalaan lalo ang Department of Transportation (DOTr) na subukang magkomyut upang malaman ang nararamdamang hirap, pagod at pasakit ng mga manggagawa na katuwang ng pamahalaan para iahon ang ating ekonomiya, tuwing pumapasok sila sa trabaho sa pamamagitan ng mga public at mass transportation.

 

Bukod kay Binay, iginiit din nina Senador Francis Pangilinan at Joel Villanueva na magkaroon ng maliwanag na plano para sa mga manggagawang commuters.

 

Nauunawaan umano nina Binay, Villanueva at Pangilinan ang nais na pagbibigay ng proteksiyon sa kalusugan ngunit mahalaga rin na maisalang- alang ang pagiging komportable ng mga manggagwang commuters.

 

Magugunitang sa unang araw ng general community quarantine (GCQ) at unang araw ng pagbabalik sa trabaho ng ilang manggagwa ay naranasan ang 3-4 oras paghihintay bago makasakay.

 

Iyong iba ay naglakad ng ilang oras para makarating sa trabaho samantala ‘yung iba ay hindi na lang pumasok dahil walang masakyan.

 

“Ano ba talaga ang plano ng DOTr sa commuters? Three months under ECQ and still they have no clear plan in place. What happened to foresight? Mabuti sila’t aircon ang mga sasakyan. E kung subukan kaya ng mga opisyal ng DOTr mag-commute mula sa kani-kanilang bahay papasok sa opisina nila (sa Clark City o Ortigas)? Dapat maramdaman nila ang hirap na pinagdaraanan ng commuters. They won’t be able to plan well if they don’t feel and understand the people’s daily struggles,” ani Binay.

 

Naniniwala si Binay, mukhang hindi ganap na handa ang pamahalaan ukol sa pagbiyahe ng mga manggagawa.

 

“Napaka-unfair sa commuters na ‘yung private vehicles ay walang restrictions bumiyahe. Napaka-limitado ng choices nila. DOTr knew that Metro Manila and the rest of the regions will soon be transitioning to the new normal. They knew that 30% of those in NCR will start going to work by June 1 — tapos ang ide-deploy e truck ng libreng sakay which compromise and breach all health protocols particularly physical distancing,” dagdag ni Binay.

 

“Our economy has been the prime consideration in the decision to relax our quarantine restriction, but sadly, it appears we forgot about the mobility of our workers in our desire to jumpstart the recovery,” ani Villanueva, chairman ng Senate committee on labor, employment, and human resource development.

 

Binigyang diin ni Villanueva, malaki ang papel ng mass transportation sa pagpasok ng mga manggagawa at sa pagbangon ng ekonomiya mula sa pandemya.

 

Nagtataka sina Binay, Villanueva, at Pangilinan kung bakit hindi ibalik agad ang mga sasakyang katulad ng jeep na isa sa pangunahin at madaling paraan ng transportasyon.

 

Ipinunto ng mga senador na hindi na dapat pang asahan ng pamahalaan ang private sector sa pagbibigay ng transportasyon sa kanilang mga manggawa dahil hindi lahat ay may kakayahang gawin ito lalo ‘yung maliliit at napektohan nang husto ng pandemya. (NIÑO ACLAN)

About Niño Aclan

Leave a Reply

Your email address will not be published. Required fields are marked *

*

Scroll To Top