Friday , March 29 2024

CN Halimuyak CEO Nilda Tuason, nagpaalala sa mabisang alcohol na panlaban sa Covid19

BILANG isang chemical engineer na eksperto sa alcohol, inusisa namin ang CEO ng CN Halimuyak Philippines na si Ms. Nilda Tuason kung paano malalaman ang effective na alcohol kontra Covid 19?

 

Esplika niya, “Ayon sa aking pananaliksik, maaaring ang mga nasa market na alcohol ay dati nang lumabas na produkto subalit ang mga sangkap nito ay nauukol sa iba-ibang application. Kaya nararapat po na suriin din sa label kung ano po ba ang sangkap nito at kung ito po ba ay inirerekomenda ng WHO, na nasuri na ito ang tamang formula sa pagsugpo sa coronavirus.

 

“Ayon po sa mga dalubhasang siyentipiko, ang pinakamabilis at pinakamabisang taas ng porsiyento ng alcohol ay nasa 70 to 73% po lamang. Sa ganitong sangkap lamang mamamatay ang coronavirus. Kaya ito lang po ang maaari nating gamitin sa panahon ng pandemic.

 

“Sa mga ginagawang produkto po ng CN Halimuyak Pilipinas, lahat po ay nauukol upang masugpo ang coronavirus at iba pang mga mikrobyo. Ito ay sa dahilan na ang hangarin natin ay makapagbigay ng tamang produkto sa presyong abot kaya, dahil sa panahon ngayon, lahat po ay nagigipit. Layon natin na makapag-ambag sa maliliit nating kababayan. Sisiguraduhin natin na ang kanilang bibilhin ay tama sa kalidad at presyong kaya ng bulsa.”

 

Dagdag ni Ms. Nilda, “May mga kaibigan din po na hangad ay magbenta upang kumita. Kami po ay patuloy na tumatanggap ng mga dealers upang makatulong din at maging bahagi kami upang makatawid tayo sa ganitong panahon ng crisis. Sa ngayon po ay nakalulungkot ipabatid na marami na pong fake alcohol.”

 

May tip ba siya sa consumers para tama ang mabili nilang alcohol, disinfectants, etc? “Maraming nagbebenta ng alcohol na hinaluan ng hindi tama at mistulang lason gaya ng methanol. May mga hindi rin po aprobado ng FDA, pero hindi po lahat nahuhuli at nababantayan.

 

“Sa ganang akin, dapat pong pumunta sa website ng FDA ang mga mamimili kung may permit at rehistrado po ang brand ng alcohol na binibili nila. Sa mga naghahalo naman po sa pagbili ng purong alcohol, sana po ay ipa-analyze ang alcohol sa mga accredited laboratories like DOST, ITDI, or PIPAC sa Ateneo de Manila University bago po ihalo or ilagay sa production. Sa ganitong paraan ay maiingatan po ang ating produkto at hindi po tayo makapagdudulot ng masamang epekto sa mga taong gagamit ng produkto, lalong-lalo na po ang mga sanggol at mga batang wala pang malay o mga taong walang sapat na kaalaman upang maunawaan kung anuman ang nakasulat sa labels ng produkto.”

 

Ang lady boss ng CN Halimuyak Philippines ay lubos na naapektohan nang nawalan ng alcohol ang groceries at drugstores, kaya naisip niyang tumulong muna at saka na magbenta. “Inuna ko pong tinawagan lahat ng mga doctor ng aming pamilya, nagpatulong ako para makarating sa mga doctor ang alcohol para po maging safe sila. Ako po mismo ang driver, naghahatid ng mga produkto sa mga doctor natin at pati sa probinsiya, sa pag-deliver ng mga raw materials at packaging. Malalaking bote, mga galon at container na po ang dinadala namin para sabi ko, hindi sila mawalan ng gagamitin.

 

“Minsan lang dumating ang pagkakataon na tayo ay makatulong, kaya po ‘yun ang naisip kong gawin – sa mga panahong walang mabiling alcohol,” aniya.

 

Sa ngayon, ang CN Halimuyak Philippines ay mas focus sa paggawa ng products na epektibo para sa coronavirus elimination. Kabilang dito ang alcohol, disinfectants, cleaners, deodorizers, antiseptic, at antimicrobial agents.

ALAM MO NA!
ni Nonie Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *