Tuesday , July 14 2020
Breaking News
You are here: Home / News / Chinese doctor, 1 pa kalaboso sa illegal na klinika
Chinese doctor, 1 pa kalaboso sa illegal na klinika

Chinese doctor, 1 pa kalaboso sa illegal na klinika

KALABOSO ang dalawang Chinese nationals kabilang ang isang doctor dahil sa panggagamot sa mga pasyenteng may COVID-19 nang salakayin ng mga awtoridad ang kanilang clinic sa Makati City, kamakalawa.

 

Isinailalim sa inquest proceedings ang mga suspek na sina Dr. David Lai, 49 anyos, at Bruce Liao, alyas Songhua Liao, 41 anyos, may address sa Unit-4D One Central Tower ng nabanggit na lungsod.

 

Ayon sa report ng Makati City Police, 3:30 pm nang mahuli ang mga suspek sa Goldstar Medical Clinic and Pharmacy Corp., sa Unit 501-506 5/F New Lasema Spa Building, 8846 Sampaloc Street.

 

Nakatanggap ng reklamo ang tanggapan ng Makati City Police kaugnay sa ginagawang panggagamot ng suspek sa mga pasyenteng tinamaan ng naturang virus.

 

Agad nagkasa ng follow-up operation ang mga awtoridad at Makati City Health Department Incident Management Team Task Force COVID-19, na nagresulta sa pagkakaaresto sa nabanggit na mga dayuhan.

 

Nakompiska mula sa mga suspek ang Rapid Test kits para sa COVID-19, medical paraphernalia tulad ng swab sticks, vials, at syringes, mga kahon na naglalaman ng iba’t ibang uri ng Chinese medicines na pinaniniwalaang hindi rehistrado sa Food and Drug Administration (FDA). (JAJA GARCIA)

 

About Jaja Garcia

Leave a Reply

Your email address will not be published. Required fields are marked *

*

Scroll To Top