Thursday , August 6 2020
Breaking News
You are here: Home / Showbiz / Friendship nina Paolo at Baron, matibay ‘di man madalas magkita
Friendship nina Paolo at Baron, matibay ‘di man madalas magkita

Friendship nina Paolo at Baron, matibay ‘di man madalas magkita

SA pilot episode ng GMA Artist Center online show na JUST IN: An Online Kumustahan with your Favorite TV Personalities, nakapanayam ni Paolo Contis ang isa sa kanyang longtime friends sa showbiz na si Baron Geisler.

Habang sila ay nagkukuwentuhan, nagbalik-tanaw ang dalawa sa kanilang mga pinagsamahan. Pinag-usapan din ng dalawang aktor ang kanilang mga project na pinagsamahan nang silipin nila ang kanilang throwback photos na nahalungkat ni Paolo sa baul.

Inamin naman ni Paolo na sobrang malapit sa puso niya si Baron at parang kapatid na rin ang turing niya rito.

“To be honest, sa lahat ng nanonood, Baron is very close to my heart. Siguro dahil sa haba na ng panahon, regardless kung hindi kami mag-usap nang matagal pero ‘pag nag-usap kami parang kahapon lang kami nag-usap. He has a very special place in my heart kasi mahal ko ‘yang kapatid ko na ‘yan,” wika niya.

Maaari pa ring mapanood ang honest at nakatutuwang kuwentuhan nina Paolo at Baron sa JUST IN.

Abangan ang JUST IN every Wednesday night kasama ang alternating hosts na sina Paolo at Vaness Del Moral sa GMA Network Facebook page at GMA Artist Center YouTube channel.

 

RATED R
ni Rommel Gonzales

About Rommel Gonzales

Leave a Reply

Your email address will not be published. Required fields are marked *

*

Scroll To Top