Categories: Opinion

Politiko, walastik tuwing eleksiyon, sa pandemic ay no action

Share

HINDI tayo natutuwang nanalasa ang pandemyang coronavirus (COVID-19) para matuklasan natin ang

nakapanlulumong katotohanan at patunay na mas marami ang mga politikong eksperto sa pambobola kaysa mga totoong nagsaserbisyo sa publiko.

Pansinin po ninyo, kapag eleksiyon, bumabaha ang kuwarta. Grabe ang vote-buying mula sa simpleng pamamahagi ng sandamakmak na giveaways  hanggang  sa abutan ng cash sa bisperas hanggang araw mismo ng botohan.

Magkano nga? P1,000, P2,000, P5,000 hanggang P10,000. Ganyan kagalante ang mga politiko kapag eleksiyon.

Ang ngiti at kaway nila’y lima-singko. Dadaigin pa ang sundo’t kulangot sa tamis, puwedeng ipalaman sa tinapay at pangkape.

Ganyan mailalarawan ang sobrang sweetness ng mga politiko kapag eleksiyon.

Ang kanilang pakikipagdaupang-palad, napakainit! Hindi nila bibitiwan ang inyong mga kamay hangga’t hindi nakukuha ang matamis na “oo” para sa eleksiyon.

Hindi lang nila sasadyain sa tahanan ang mga target na botante, kundi tatawag-tawagan pa.

‘Yung mga nasa Metro Manila na boboto sa Southern Luzon, Visayas, at Mindanao, ipinakakaon pa sa service o kaya’t binibigyan ng pasahe para sa special  trip.

Laging may pabaon at paabot. Kapag natapat na pagsasara ng klase’y umuulan at bumabaha ng mga tansong medalya na mas malaki pa sa pangalan ng tatanggap ang mga mukha nila.

Doble-doble ang scholarship, may galing kay mayor, konsi at vice mayor. Hahabol pa sina governor at bise gobernador — ‘yun lang, hahanapin na sa susunod na taon.

Ganyan sila kagalante…

Ibang klase!

Heto ngayon ang pandemic… aba, Marso pa nang mag-lockdown — katapusan na ng Abril nagsilutangan?!

Walang bumunot antemano bago magpahayag ng ayuda ang pambansang pamahalaan.

Baka kung hindi naglabas ng pondo ang national government para sa SAP, CAMP, SBWS at iba pa, e hindi na natin nakita ‘yang mga politikong ‘yan.

Malamang nagsipag-hibernate  sa ‘quarantine facility.’

Hak hak hak!

Hindi ba’t nakapagtataka talaga? Hindi man lang ba sila makabunot mula sa sariling bulsa?

Kailangan muna nilang manglimos sa kanilang mga ‘baka,’ sa mga private sector/organizations, bago tumulong sa kanilang constituents?!

Tsk tsk tsk…

Kung magtatagumpay ang sangkatauhan laban sa pandemyang ito, kasunod ang eleksiyon sa 2022 (kung mayroon pa) magkaroon pa kaya ng lakas ng loob na ‘lumutang’ ang mga politikong galante at walastik tuwing eleksiyon pero sa kalamidad at pandemya ay no action?!

Makangiti pa kaya sila ng sintamis ng sundo’t kulangot?!

Abangan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

ABS-CBN franchise, ngayong araw hahatulan

NGAYONG Lunes ang huling araw ng pagdinig sa ABS-CBN franchise renewal. Boboto na ang 45 na congressmen and women na kabilang sa… Read More

14 hours ago

1 patay, 9 arestado sa search warrant

TODAS ang isang hinihinalang drug suspect matapos makipagbarilan sa mga pulis na nagsilbi ng search warrant sa kanyang bahay habang… Read More

14 hours ago

Kelot, kulong (Tumira ng bisikleta)

SA KULUNGAN bumagsak ng isang lalaki matapos magnakaw ng bisikleta sa Valenzuela City, kahapon ng madaling araw. Kinilala ang naarestong… Read More

14 hours ago

Petisyon vs anti-terror law pinaghahandaan ni Sen. Kiko

INIHAHANDA ni Sen. Francis Pangilinan ang kanyang ihahain na petition sa Korte Suprema na kumukuwestiyon sa Anti-Terrorism Law, partikular ang… Read More

14 hours ago

DFA-OCA sarado ngayon

INIANUNSIYO ng Department of Foreign Affairs (DFA) sa publiko na pansamantalang sarado ang Office of Consular Affairs (OCA) na matatagpuan… Read More

14 hours ago

DOH maglalabas ng mas maaga at maayos na resulta ng COVID-19 cases

NAGPALIWANAG si Department of Health (DOH) Undersecretary Maria Rosario Vergeire tungkol sa record-breaking na kaso ng COVID-19 cases na naitala… Read More

14 hours ago