Categories: Opinion

Ilegal na POGO sa mga hotel namamayagpag pa rin (PH kahit nasa ilalim ng ECQ)

Share

HINDI na tayo nagugulat na habang nasa ilalim ng enhanced community quirantine (ECQ) ay patuloy ang operasyon ng mga illegal Philippine offshore gaming operation (Pogo).

Gaya ng insidente sa Las Piñas City na 265 Chinese nationals ang nahuli sa isang hotel na ginagamit nilang Pogo hub, kamakailan.

At dahil walang kliyente ang nasabing hotel sa panahon ng ECQ, normal na tanggapin nila ang ‘nakapaglalaway’ na renta ng mga POGO — kahit na ilegal  pa ‘yan,

Heto lang naman ang violations sa ilalim ng ECQ, Sec. 2 (7) of the Inter-Agency Task Force Resolution No. 30-A series of 2020 na nagbabawal sa mass gatherings.

Heto ang imbentaryo ng mga nakuha ng mga humuling pulis: 110 laptop computers, 467 cell phones, 251 Chinese passports, internet and WiFi connection devices, dalawang counting machines, at cash na P6.46 milyon.

Petmalu!

E ‘di ba’t halos isang linggo pa lang ang nakalilipas nang payagan ng Philippine Amusement and Gaming Corp. (PAGCOR) ang POGO na unti-unting magbukas ng kanilang operasyon subject to “stringent conditions?”

Ang 265 Chinese nationals ay nahaharap sa kasong paglabag sa Republic Act No. 11332, at Executive Order No. 112.

Bago ‘yung pagkakadakip sa 265 Chinese nationals, 63 Chinese, at 13 Filipino ang inaresto sa isang condominium unit sa Barangay Olympia sa Makati City, dahil sa ilegal na POGO.

Sa rami ng mga nahuli na ‘yan, lumalabas na hindi naman pala tumigil ang POGO. Mukhang nag-hibernate lang sila sa maliliit na hotel na puwede nilang gamiting hub habang naka-ECQ ang Metro Manila.

O ‘di ba, klarong kumikitang pangkabuhayan ‘yan, para sa mga hindi makapa na illegal POGO ng PAGCOR.

Kumusta po kayo Madam Andrea “Didi” Domingo, hindi ba kayo napaglalalangan ng mga POGO na ‘yan?!

At ngayong natisod ‘yang 265 illegal alien at illegal POGO, ibig sabihin, natsubibo si Madam Didi?!

Ganoon ba ‘yun?

Natsubibo sa panahon ng COVID-19…

Arayku!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

ABS-CBN franchise, ngayong araw hahatulan

NGAYONG Lunes ang huling araw ng pagdinig sa ABS-CBN franchise renewal. Boboto na ang 45 na congressmen and women na kabilang sa… Read More

13 hours ago

1 patay, 9 arestado sa search warrant

TODAS ang isang hinihinalang drug suspect matapos makipagbarilan sa mga pulis na nagsilbi ng search warrant sa kanyang bahay habang… Read More

13 hours ago

Kelot, kulong (Tumira ng bisikleta)

SA KULUNGAN bumagsak ng isang lalaki matapos magnakaw ng bisikleta sa Valenzuela City, kahapon ng madaling araw. Kinilala ang naarestong… Read More

13 hours ago

Petisyon vs anti-terror law pinaghahandaan ni Sen. Kiko

INIHAHANDA ni Sen. Francis Pangilinan ang kanyang ihahain na petition sa Korte Suprema na kumukuwestiyon sa Anti-Terrorism Law, partikular ang… Read More

13 hours ago

DFA-OCA sarado ngayon

INIANUNSIYO ng Department of Foreign Affairs (DFA) sa publiko na pansamantalang sarado ang Office of Consular Affairs (OCA) na matatagpuan… Read More

13 hours ago

DOH maglalabas ng mas maaga at maayos na resulta ng COVID-19 cases

NAGPALIWANAG si Department of Health (DOH) Undersecretary Maria Rosario Vergeire tungkol sa record-breaking na kaso ng COVID-19 cases na naitala… Read More

13 hours ago