Categories: Opinion

Eskema ng Meralco sa panahon ng ECQ iregular, immoral at panlalansi sa consumers

Share

HARAP-HARAPAN kung mangholdap ang Meralco.

Ito ‘yung klase na para kang nabudol-budol ng mga ‘manggagantsong’ magara pa ang porma kaysa biktima nila.

Hindi na mabilang kung ilan ang umaaray ngayon sa ‘eskemang’ ipinain ng Meralco sa kanilang mga kliyente sa panahon na walang magawa ang mga mamamayan dahil bawal ang maraming bagay alang-alang sa kaligtasang pangkalusugan bunsod nga ng pandemyang coronavirus (COVID-19).

Kahit saang anggulo tingnan, klaro ang panggogoyo ng Meralco, gamit ang “method of averaging” sa sinasabing huling tatlong buwan na konsumo natin bago mag-ECQ.

Gamit ang nasabing eskema, kinuha ng Meralco ang last three electric bills natin (Halimbawa: Mula 21 Nobyembre 2019 hanggang 20 Pebrero 2019), pinagsama, saka hinati sa  tatlo.

Presto!

‘Yun ang bill para sa 21 Pebrero hanggang 20 Marso 2020.

Parang inulit ‘yung mga nabayaran na natin at hinati sa tatlo, kaya puwede na naman nila tayong singilin mula sa mga bills na nabayaran na natin.

Bakit ganoon ang ginawang eskima ng Meralco?! Katuwiran nga nila, wala silang mga tao para mag-reading ng metro dahil nga sa ECQ.

So parang magpitik-bulag na lang tayo.

Kaya kung mataas ang konsumo natin sa koryente sa nasabing huling tatlong buwan bago mag-ECQ — asahan na nating mas mataas ang babayaran natin para 21 Pebrero hanggang 20 Marso 2020.

Bakit ‘ika n’yo?!

Aba kung umangal na tayo riyan sa ginamitan nila ng method of averaging dahil feeling natin ay agrabyadong-agrabyado tayo, mas lalo tayong aangal sa susunod na bill natin.

Bakit?!

Kasi nga, dahil hindi sila nag-reading sa loob ng tatlong buwan, mag-iimbudo ang buong konsumo natin mula 21 Pebrero hanggang 20 Mayo 2020.

Ibig sabihin, ang huling reading na ginawa nila ay para sa konsumong 21 Enero hanggang 20 Pebrero 2020 pa.

Kaya ang bubulaga sa atin para sa billing period na 21 Marso – 20 Abril 2020 ay ang konsumo natin mula 21 Marso hanggang 20 Mayo.

Ibig sabihin, dalawang buwang mahigit ‘yun o halos ilang araw na lang, tatlong buwan na konsumo na ang reading ng Meralco at ‘yun ang magiging bill natin.

Kung in good faith ang Meralco, hindi na nila dapat hinati ‘yung huling tatlong buwan na pinagkuhaan nila ng konsumo natin para sa 21 Pebrero hanggang 20 Marso, kasi nga binayaran na natin ‘yun.

Ang dapat na maging kuwentada nila, ‘yung panahon na hindi sila nakapag-reading , halimbawa ay March to April, April to May, at May to June.

‘Yung total reading nila sa mga panahon na ito, bale tatlong buwan ‘yan, ‘yun ang i-divide nila sa tatlo at iyon na ang magiging final bill.

Sana naman ay gawin na ninyo ‘yan, kaysa naman ipatawag pa kayo sa Kamara dahil gusto na kayong paimbestigahan ni Puwersa ng Bayaning Atleta (PBA)  Party-list and House Committee on Energy Vice-Chair Rep. Jericho Nograles.

Hindi ba’t hinihingian na nila ang Meralco ng detalyadong eksplanasyon kung bakit doble o triple ang bill ng koryente?

Ani Rep. Jericho, “Meralco needs to properly explain in detail what prompted the spike… power cost should even go down at this point because of the continued decrease of oil prices in the world market.”

“There’s a brewing concern that’s been hot in the internet regarding issues and complaints on the spiking reading and billings, I would like to advise you to send our information to the committee as well as to the public to answer these comments and at least you can address that,” ani Nograles.

O ‘di ba?

Klaro pa sa sikat ng araw na ang eskema ng Meralco — ay hold-up sa mamamayang Filipino in broad daylight.

Meralco, explain!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

ABS-CBN franchise, ngayong araw hahatulan

NGAYONG Lunes ang huling araw ng pagdinig sa ABS-CBN franchise renewal. Boboto na ang 45 na congressmen and women na kabilang sa… Read More

14 hours ago

1 patay, 9 arestado sa search warrant

TODAS ang isang hinihinalang drug suspect matapos makipagbarilan sa mga pulis na nagsilbi ng search warrant sa kanyang bahay habang… Read More

14 hours ago

Kelot, kulong (Tumira ng bisikleta)

SA KULUNGAN bumagsak ng isang lalaki matapos magnakaw ng bisikleta sa Valenzuela City, kahapon ng madaling araw. Kinilala ang naarestong… Read More

14 hours ago

Petisyon vs anti-terror law pinaghahandaan ni Sen. Kiko

INIHAHANDA ni Sen. Francis Pangilinan ang kanyang ihahain na petition sa Korte Suprema na kumukuwestiyon sa Anti-Terrorism Law, partikular ang… Read More

14 hours ago

DFA-OCA sarado ngayon

INIANUNSIYO ng Department of Foreign Affairs (DFA) sa publiko na pansamantalang sarado ang Office of Consular Affairs (OCA) na matatagpuan… Read More

14 hours ago

DOH maglalabas ng mas maaga at maayos na resulta ng COVID-19 cases

NAGPALIWANAG si Department of Health (DOH) Undersecretary Maria Rosario Vergeire tungkol sa record-breaking na kaso ng COVID-19 cases na naitala… Read More

15 hours ago