Categories: Opinion

China pananagutin?

Share

KUNG oobserbahan ay hindi mahirap mapuna na lalong lumalala ang hidwaan ng Amerika at China, lalo na kung pandemya ng COVID-19 ang paksa ng usapan.

Maging ang malalapit na alalay at iba pa ay pinagsabihan umano ni President Donald Trump na kailangang magbayad ang China ng bilyon-bilyong dolyar sa pandemya bilang kompensasyon.

Sa katunayan, ayon sa apat na senador mula sa administrasyon ng Amerika, ilang opisyal nila ang nagsimula nang pag-aralan ang mga mungkahi kung paano parurusahan o hihingi ng kabayaran sa China sa pag-aasikaso nito ng pandemya ng coronavirus.

Ang katotohanan ay galit na si Trump at binabalak alisin ang “sovereign immunity” ng China para maidemanda ng gobyerno ng Amerika at ng mga biktima at masingil ng danyos sa prehuwisyo.

Ayon sa Amerika ay nanahimik ang China at hindi ipinagsabi agad-agad sa buong mundo ang nangyayaring virus. Bukod dito ay nabigo raw ang China na kontrolin ang virus kaya mabilis itong kumalat.

Maging ang Australia ay pumasok sa eksena at nanawagan sa World Health Organization (WHO) na alamin kung paano nagsimula ang COVID-9.

Pero alangan namang hindi pumalag ang China at hayaan na lamang ang pag-atake sa kanila. Nagbabala na ang isang opisyal nila na baka ma-boycott ang mga estudyante at turistang galing Australia, pati na ang bentahan ng mga produktong karne at alak. Pati ang kalakalan ay malamang maapektohan.

Posibleng lumala pa ang hidwaan nila at lumaki pa ang isyu sa mga darating na araw, lalo na’t patuloy na dumarami ang bilang ng mga naapektohan at namatayan sa COVID-19 sa buong mundo.

Pero sa totoo lang, masisisi ba ang China samantala sila man ay dumanas ng kahirapan at pagdurusa sa pagkalat ng sakit at ilan din mga Tsino ang nasawi dulot nito?

Hindi sa kumakampi ako sa China pero ang pagkalat ng sakit ay mahirap naman talagang mapigilan, lalo na kung walang nakaaalam ng background ng naturang sakit.

Lahat tayo, ang buong mundo, ay nabigla at nabulaga sa pagkalat ng sakit. Walang handa rito kaya hanggang ngayon ay nagsasagawa ng mga pag-aaral ang iba’t ibang bansa, kabilang na ang Filipinas, kung paano ito mapipigilan.

Habang ang Amerika, Australia at iba pang mga bansa ay nagpaplano na panagutin ang China sa pagkalat ng COVID-19 sa pamamagitan ng paghingi ng danyos, asahan natin na hindi sasali ang gobyernong Filipino sa ganoong panawagan.

Nakatatawa at nakaiinis isipin. Sa halip, tayo ay nagpapasalamat pa nga sa China dahil kung hindi sa pagkalat ng COVID-19 ay hindi tayo makatitikim ng ayudang medikal sa kanila. Maraming salamat ha…

Maraming salamat, Best Friend!

*              *              *

SHORT BURSTS. Para sa mga komento o reaksiyon, mag-email sa firingline@ymail.com o mag-tweet sa @Side_View.

FIRING LINE
ni Robert Roque, Jr.

Robert B. Roque, Jr.

Published by
Robert B. Roque, Jr.

Recent Posts

Ibang manlalaro ng Clippers asar kay Leonard

KALAT na sa social media  ang pagkainis  ng ibang Los Angeles Clippers’ players sa kanilang star player na si Kawhi… Read More

16 hours ago

Khabib tagilid kay Gaethje

NAKAPANAYAM  si Justin Gaethje ni Kevin Iole ng Yahoo Sports at pinag-usapan nila ang nalalapit na pinakamalaking laban nito sa… Read More

16 hours ago

Magno tutok sa online training

NAKATUTOK muna si Tokyo Olympics-bound Irish Magno sa kanyang boxing clinic habang naghihintay ng go-signal sa Inter-Agency Task Force (IATF)… Read More

16 hours ago

Baloc kampeon sa 9th Jerick Pogi Bullet 2000 Arena online chess

NAKALIKOM  si Pherry James Baloc ng Muñoz Nueva Ecija ng 36 points para tanghaling kampeon sa 9th Jerick Pogi Bullet… Read More

16 hours ago

WKA-PH sumalang sa 3rd virtual meeting

MATAGUMPAY na ginanap ang WKA-PH (World Kickboxing Association - Philippines) 3rd virtual meeting noong nakaraang Linggo, Oktubre 18, 2020, sa… Read More

16 hours ago

Cebuano journo Tabada hari sa Nat’l Executive Chess

PINAGHARIAN ni Cebuano journalist Jobanie Tabada ang katatapos na second leg ng 2020 National Executive Online Chess Championship nung Linggo,… Read More

16 hours ago